धावत्या ट्रेन मधून पडून डोंबिवलीतील २६ वर्षीय तरुणीचा मृत्यु !!
भिवंडी, दिं.२९,अरुण पाटील (कोपर)
धावत्या ट्रेन मधून पडून डोंबिवलीतील एका २६ वर्षीय तरुनीचा दुदैवी मृत्यु झाल्याची घटना आज सोमवार दिं,२९ रोजी सकाळी.घडली आहे.या घटनेमुळे प्रवाशांमधून हळहळ व्यक्त होत आहे.
सविस्तर हकीगत अशी की, मृत तरुणी रिया श्यामजी रजगोर हि डोंबिवली पूर्व येथे आपल्या कुटुंबासह राहत होती. आई-वडील आणि भाऊ असा तरुणीचा परिवार होता. रिया ठाण्यातील एका कन्स्ट्रक्शन कार्यालयात कार्यरत होती. दररोज ती ठरल्याप्रमाणे मुंबईच्या दिशेने जाणारी लोकल पकडून ठाण्यात जायची. आज सकाळी ठरल्याप्रमाणे तिने डोंबिवली रेल्वे स्थानकावरून मुंबईच्या दिशेने जाणारी लोकल पकडली.
लोकलच्या आत शिरण्याचा प्रयत्न करत होती मात्र लोकलमधील गर्दीमुळे ती दरवाजाजवळच उभी. मात्र गर्दीमुळे डोंबिवली ते कोपर स्थानका दरम्यान तिचा तोल गेल्या. तोल गेल्यानंतर लोकल खाली पडून तिचा दुर्देवी मृत्यू झाला. तात्काळ प्रवाशांनी या घटनेची माहिती रेल्वे पोलिसांनी दिली.
या आधी देखील अनेक प्रवासी डोंबिवली ते कोपर दरम्यान गर्दीचा बळी ठरलेत. त्यामुळे रेल्वे या गर्दीवर नियंत्रण आणण्यासाठी प्रवाशांकडून अनेकदा डोंबिवलीहून सोडण्यात येणाऱ्या लोकल गाड्यांमध्ये वाढ करण्याची मागणी केली जाते.मात्र अद्याप ही ही मागणी पूर्ण झालेली नाही त्यामुळे लोकल सेवा कधी वाढवणार असा सवाल आता उपस्थित झाला आहे.
No comments:
Post a Comment