डोंबिवली, सचिन बुटाला : कल्याण लोकसभा मतदारसंघात अंबरनाथ, उल्हासनगर, कल्याण पूर्व, कल्याण ग्रामीण, डोंबिवली व कळवा- मुंब्रा सहा मतदारसंघ येतात यातील पाच मतदारसंघात महायुतीचे आमदार असून फक्त एक कळवा -मुंब्रा मतदारसंघ महाविकास आघाडीकडे आहे.
अशातच शिवसेना (उबठा) गटाने अननुभवी वैशाली दरेकर यांना उमेदवारी दिली. या मतदारसंघात अनेक त्यांच्या परिवाराशी निष्ठावंत असलेले शिवसैनिक असताना सुद्धा मनसेतून शिवसेनेत आलेल्या वैशाली दरेकर यांना उमेदवारी दिल्याने अनेक त्या पक्षाच्या कार्यकर्त्यांमध्ये नाराजी आहे, अशातच कॉग्रेसचे जेष्ठ कार्यकर्ते शकील यांनी उमेदवार विश्वासात घेत नाही असे सांगत नाराजी व्यक्त केली.
कल्याण येथे महाविकास आघाडीच्या संयुक्त पत्रकार परिषदेत कल्याण पुर्वेतील कॉग्रेसचा एक नेता सोडल्यास कल्याण लोकसभा मतदारसंघातून कॉग्रेस, राष्ट्रवादी (शरच्चंद्र पवार,) एक ही जनमानसात ताकद असणारा नेता उपस्थित नव्हता. महाविकास आघाडीत एकवाक्यता नसल्याचे दिसून येत आहे.
संपूर्ण मतदारसंघात खासदार श्रीकांत शिंदे यांनी केलेले कार्य मेट्रो रेल्वे, पलावा उड्डाणपूल, मुंब्रा उड्डाणपूल, शिळफाटा सहा पदरी उड्डाणपूल, कल्याण शिळफाटा रस्ता सहा पदरी, ऐरोली काटई फ्री वे, कल्याण रिंगरोड, मोठागाव माणकोली उड्डाणपूल, मतदारसंघात सार्वजनिक बांधकाम विभाग, जिल्हा परिषद, महानगरपालिका व नगरपालिका यांच्या माध्यमातून रस्त्यांचे जाळे, कॉंक्रिटीकरण, अंबरनाथचे प्राचीन शिवमंदिर व खिडकाळी मंदिर यांचा कायापालट करण्याचा निर्धार, श्री मलंगगड परिसरात विकास, वंदेमातरम ट्रेन ला कल्याण स्टॉप, अंबरनाथ स्थानक हेरिटेज म्हणून घोषित करण्यासाठी प्रयत्न, रेल्वे यार्ड रिमॉडेलिंग प्रकल्प कामे मार्गी लागली असून काही सुरू आहेत.
याशिवाय उल्हासनगर येथे अत्याधुनिक कामगार रुग्णालय, कल्याण पूर्व येथे भारतरत्न डॉ बाबासाहेब आंबेडकर स्मारक आणि ज्ञान केंद्र, बेतवडे गाव दिवा येथे आगरी कोळी वारकरी भवन, मेट्रो मॉल, कल्याण पूर्व हिंदी भाषा भवन उभारण्याचा संकल्प, उल्हासनगर अनधिकृत इमारती व घरे दहा टक्के भोगवटा शुल्क भरून अधिकृत करण्याचा निर्णय, अंबरनाथ उल्हासनगर येथे क्रिडा संकुल, मिनी स्टेडियम, शुटिंग रेंज, अंबरनाथ ऑलिंपिक दर्जाचा तरण तलाव, कळवा रामा तरण तलाव नूतनीकरण व क्रीडा सुविधा, डोंबिवली येथे क्रिडा सुविधांची उभारणी, अंबरनाथ येथे नाट्यगृह तसेच पंडित जवाहरलाल नेहरू उद्यान अंबरनाथ येथे स्पर्धा परीक्षा केंद्र, चिखलोली अंबरनाथ लोटस तलाव संवर्धन, अंबरनाथ वुलनचाळ येथे बेघर निवारा केंद्र, कल्याण अंबरनाथ टाटांचे कौशल्यवर्धन केंद्र, खारेगाव उड्डाणपूल, रेल्वे उड्डाणपूलांची उभारणी, चिखलोली रेल्वे स्थानक लवकरच सेवेत, लोकग्राम पादचारी पूल, आई तिसाई देवी उड्डाणपूल, उल्हासनगर मल्टीस्पेशालिटी मोफत रुग्णालय, डोंबिवली सुतिकागृह आणि कॅन्सर रुग्णालय उभारणी, मतदारसंघात विविध आरोग्य सुविधा, कळवा शासकीय रुग्णालयात विवीध सुविधा सुरु केले, सुरळीत पाणीपुरवठा यातील अनेक विकासकामे केली असून काही सुरू आहेत तर काही प्रस्तावित आहेत.
या मतदारसंघात महायुतीत आता आपसांत कोणतेही मतभेद दिसून येत नाही आहेत व या मतदारसंघात खासदारांनी केलेली विकासकामे तसेच मतदारसंघात कायम कार्यकर्ते व जनतेशी असलेला संपर्क यामुळे श्रीकांत शिंदे हॅटट्रिक साधतील यात काहीच दुमत नाही तर कमीतकमी तीन लाखांहून अधिक मताधिक्याने निवडून येतील असा विश्वास आमच्या प्रतिनिधीशी बोलताना नागरिकांनी व्यक्त केला.
No comments:
Post a Comment