भटवाडी येथील फुटपाथवरील अनधिकृत बांधकामाचा बेस्ट बसला अडथळा, मनपा विभागाने फुटपाथवरील अनधिकृत बांधकाम हटवण्याची स्थानिकांची मागणी !!

भटवाडी येथील फुटपाथवरील अनधिकृत बांधकामाचा बेस्ट बसला अडथळा, मनपा विभागाने फुटपाथवरील अनधिकृत बांधकाम हटवण्याची स्थानिकांची मागणी !!

घाटकोपर, (सुभाष कोकणे) : घाटकोपर पश्चिम भटवाडी येथे मुंबई महानगर पालिकेने भाजी विक्रेत्यांसाठी मंडई बांधून दिलेली असलेली तरी देखील हे भाजी विक्रेते तसेच अन्य वस्तू विक्रेते हे रस्त्यावर फुटपाथ वर येऊन आपला बाकडा लावून भाजी व इतर साहित्य घेऊन विक्री करण्यास बसत आहेत. त्यामुळे घाटकोपर स्टेशन वरून येणाऱ्या तसेच कांदिवली, वरळी येथे जाणाऱ्या मोठ्या बेस्ट बसेस यांना वळणावर वळण घेण्यास बेस्ट चालकास मोठी कसरत करावी लागते. परिणामी याठिकाणी अपघात होण्याची देखील शक्यता नाकारता येत नाही, त्यासाठी राम जोशी मार्ग रस्ता हा रुंद करण्याची आवश्यकता आहे अशी स्थानिकांची मागणी आहे. तसेच यासाठी वाहतूक शाखेने देखील यामध्ये महत्त्वाची भूमिका घेऊन लवकरात लवकर कारवाई करावी. 

रस्ता लहान निमुळता असल्यामुळे बेस्ट बस ला याठिकाणी वळण घेता येत नाही,  कारण पुढे फुटपाथवर आलेले अनधिकृत बांधकाम हे महत्त्वाचे कारण ठरत आहे.परिणामी (ता.३० जून) रोजी सकाळी बाबू गेनू मंडई येथील राम जोशी मार्गावर बेस्ट बस नंबर MH01 - CR - 3061 ही बेस्ट बस वळण घेत असताना बंद पडली. सुदैवाने यात कोणतीही जीवित हानी झाली नाही. महानगर पालिकेने हे फुटपाथ वरील अनधिकृत बांधकाम खाली करून रस्ता मोकळा करून द्यावा अशी मागणी स्थानिक रहिवाशी यांनी लोकप्रतिनिधी व महानगर पालिका अधिकारी यांच्याकडे करत आहेत.