वाडा तालुक्यातील प्रमुख रस्त्यांची तातडीने दुरुस्ती करण्याची आमदार दौलत दरोडा यांची तातडीची सुचना !!

वाडा तालुक्यातील प्रमुख रस्त्यांची तातडीने दुरुस्ती करण्याची आमदार दौलत दरोडा यांची तातडीची सुचना !!

वाडा, प्रतिनिधी : वाडा तालुक्यातील शहापूर विधानसभा मतदार संघात येणाऱ्या प्रमुख रस्त्यांची सतत पडणाऱ्या पावसामुळे दुरावस्था झाली असून या रस्त्यांची तातडीने दुरुस्ती करण्याची सूचना आमदार तथा अनुसूचित जमाती समिती प्रमुख दौलतजी दरोडा यांनी सार्वजनिक बांधकाम ठाणे विभागाचे अधीक्षक अभियंता यांना केली आहे.

वाडा तालुक्यातील 

1. कोने - अघई रस्ता

2. देसई - तिलसा - सोनाळे - बेलवड रस्ता

3. वाडा - देवळी - मलवाडा - साखरा रस्ता

4. खैरे - वारनोळ - कोंढले रस्ता

या चार रस्त्यांची सतत पडणाऱ्या पावसामुळे अतिशय बिकट अवस्था झालेली असून येथील नागरिकांना व वाहनधारकांना वाहतुकीसाठी खूप गैरसोय होत आहे. या रस्त्यांवर मोठ्या प्रमाणात खड्डे पडल्याने  संदर्भात या चार रस्त्यांची आपण स्वतः व कार्यकारी अभियंता सा. बां. विभाग जव्हार यांनी प्रत्यक्ष पाहणी करून वरील रस्त्यांची तातडीने दुरुस्ती करावी. व तसा वस्तु स्थिती अहवाल सादर करावा, अशी सूचना आमदार दरोडा यांनी अधीक्षक अभियंता यांना केली आहे.