कल्याण ग्रामीण भागात कोरोनाचा शिरकाव, कोलम येथे सापडला पाॅझिटिव रुण्ग, परिसरात भिंतीचे वातावरण!

कल्याण ग्रामीण भागात कोरोनाचा शिरकाव, कोलम येथे सापडला पाॅझिटिव रुण्ग, परिसरात भिंतीचे वातावरण! 

कल्याण (संजय कांबळे) ऐवढे दिवस कोरोनोच्या प्रादुर्भावापासून दुर राहिलेल्या कल्याण ग्रामीण भागात आता कोरोनाचा शिरकाव झाला असून तालुक्यातील कोलम येथील बीएमसी कर्मचाऱ्यांला कोरोनाची लागण झाली असून त्याचा रिपोर्ट पाॅझिटिव आला असल्याने परिसरात खळबळ उडाली आहे. वैद्यकीय अधिकाऱ्यांनी या भागात पाहणी केली असून या रुग्णाच्या संपर्कात अजून किती लोक आले आहेत याचा शोध घेण्याचे आव्हान यांच्या समोर आहे

सध्याच्या परिस्थितीत कल्याण डोंबिवली, शहरी भागासह २७ गावे आणि कसारा, शहापूर, आणि वांशिद आदी ग्रामीण भागात कोरोनाचे रुग्ण आढळून आले आहेत. सुदैवाने कल्याण तालुक्यातील म्हारळ वरप कांबा, रायते आणे भिसोळ जाभूळ, गोवेली, मामणोली, कोलम केळणी दहागाव, बापसई, आदी ग्रामीण भागात कोरोनाचा शिरकाव झाला नव्हता. पण आज धक्कादायक बाब समोर आली. तालुक्यातील कोलम येथै राहणारा आणि मुंबई बीएम सी मध्ये नोकरी करणारा पुरुष कोरोनाचा शिकार ठरला. हा मुंबई येथून ये जा करित होता. याला लक्षणे आढळून आल्याने तो प्रथम कल्याण च्या रुक्मिणीबाई रुग्णालयात दाखल झाला. तेथून त्याचे रिपोर्ट के ई एम ला पाठविण्यात आले होते. त्याचा अहवाल आज प्राप्त झाला. त्यामध्ये तो पाॅझिटिव आला त्यामुळे परिसरात खळबळ उडाली आहे.

विशेष म्हणजे काही दिवसापूर्वी त्याच्या मोठ्या भावाचे अपघातात निधन झाले होते. या अंत्य यात्रेत तो सहभागी झाला होता. शिवाय किराणा दुकानात, भाजीपाला, आणि मामणोली येथील एका खासगी दवाखान्यात दोन दिवसापूर्वी उपचार घेण्यासाठी गेला होता अशी माहिती गावातील काही नांगरिकानी दिली. त्यामुळे याच्या संपर्कात कोण कोण आलेत हे शोधणे हे आव्हान डॉक्टरांनसमोर असणार आहे.

या भागाचे वैद्यकीय अधिकारी डॉ राठोड व कर्मचारी वर्ग टिम सह घटनास्थळी पोहोचले असून गावचे सरपंच ग्रामसेवक, पोलीस पाटील, आशा, अंगणवाडी सेविका, आदी या रुग्णांच्या संपर्कात आलेल्या व्यक्तींना कोंरोटांईग करण्यासाठी प्रयत्न करित आहेत. याविषयी जिल्हा परिषदेचे उपमुख्य कार्यकारी अधिकारी जाधव साहेब आणि कल्याण चे तहसीलदार दीपक आकडे यांना विचारले असता ते म्हणाले ग्रामीण भागातील नागरिकांना एकाच ठिकाणी कोंरोटांईग करण्यासाठी काही इमारती ताब्यात घेण्याचे प्रयत्न सुरू आहेत. तर कोलम सह परिसरातील मामणोली, केळणी कुंदा, चौरे बापसई, म्हसरोडी, बांगरवाडी, आदी गावातील नांगरिकानी काही लक्षणे आढळून आली तर वैद्यकीय अधिकाऱ्यांना संपर्क साधावा व घरीच रहावे असे आवाहन केले आहे. तसेच हा परिसर पुर्ण पणे शील करण्याचे काम सुरू असल्याचे वैद्यकीय अधिकाऱ्यांचे म्हणणे आहे.