देवगड येथील पत्रकार विष्णु घावडे यांची गरजूंना मदत
देवगड, प्रतिनिधी
कोरोना या विषाणूने जगभरात थैमान घातले असल्याने भारत सरकारने देशात २४ मार्च पासून संचारबंदी लागू केली, त्यामुळे देशात रोजगार नसल्याने शहर तसेच ग्रामीण भागातील अनेक कुटुंबांवर उपासमारीची वेळ आली अशा वेळी अनेक सामाजिक संस्था, दानशूर व्यक्ती यांनी या कुटुंबांना आधार देण्याचा प्रयत्न केला.
देवगड तालुक्यातील तांबळडेग येथील पत्रकार विष्णु घावडे हे स्वत: पत्रकार असल्याने त्यांना समाजातील परिस्थितीचे भान आहे म्हणून पत्रकार विष्णु घावडे यांनी स्वखर्चाने देवगड तालुक्यातील तांबळडेग निराधार, गरजवंत, कुटुंबीयांना त्यांच्या हस्ते धान्य वाटप केले. गावातील अपंग, निराधार महिलांना घरी जाऊन धान्य दिले.
पत्रकार नेहमीच आपल्या लेखनातून सामाजिक कार्य करत न्याय मिळवून देण्यासाठी तत्पर असतात मात्र कोरोनाच्या संकटात पत्रकार विष्णु घावडे यांनी गरजूंना केलेल्या मदती बद्दल सर्वत्र कौतुक होत आहे.
No comments:
Post a Comment