कोरोना गंभीर त्यात मुरबाड तालुक्यात ठरले सहा योद्धे खंभीर !!

कोरोना गंभीर त्यात मुरबाड तालुक्यात ठरले  सहा योद्धे खंभीर !!

मुरबाड (मंगल डोंगरे) : कोरोना सारख्या गंभीर आजारात कोरोनाच्या भीतीनं गरीब श्रीमंत सारखाच गांजला असल्याने चार महिन्यापासून मनुष्यच माणसाचा वैरी झाल्यासारखा एकमेकांशी व्यवहार करीत असले तरी ह्या परिस्थितीत ही काही भले बहादर कोरोना सोबत रोजच्या रोज संघर्ष करताना दिसून येतात. शासकिय कोविड २ टेस्ट विभागात ज्यांची नेमणूक झाली ते भिती पोटी पळून गेले मात्र सहा कोरोना योद्धे रोजच ७० ते ७५ रुग्णांची कोविड टेस्ट करून स्वतःचा जीव धोक्यात घालून सेवा बजावत असल्याचे वास्तव मुरबाड आरोग्य विभागा समोर आले आहे.

                ज्या रुग्णाचे संशयित नमुने घेण्यात येऊन कोविड सेंटर मध्ये १)कोविड सॉफ्टटेस २)ऍन्टी जनटेस्ट ह्या दोन टेस्ट करून यांत कोविडचं निदान केले जाते. ह्या अत्यंत घातक असल्याने ह्या टेस्ट घेणाऱ्याचा संबंध थेट कोविड १९ शी येत असतो. ह्या टेस्ट ज्या ठिकाणी केल्या जातात त्या ठिकाणी तालुका वैद्यकीय अधिकारींनी प्रतिनियुक्त केलेले  आरोग्य कर्मचारी कोरोना भीती पोटी येथे काम करण्यास स्पष्ट नकार देत काम नाकारले. अशा ठिकाणी सेवा देण्यासाठी तालुक्याची सहा कोरोना योद्धे स्वताहुन सरसावले यांत

 १) टेक्निशियन - मोहपे, पाणगांवकर,खुटणकर, तर धसई आरोग्य केंद्रावरील दोन आरोग्य कर्मचारी १) संभाजी भोईर २) नितीन ईसामे व त्यासोबत या कोविड सेन्टरांत साफ सफाई करणारा संजय मोरे यांनी स्वताहून ह्या सेवेत झोकून दिल्याने तसे पाहता हे खरे कोविड योद्धे म्हणन्यास वावगे ठरणार नाही. व खरे अर्थाने कोविड योद्धेची भूमिका जर कोणी बजावत असेल तर हे ते सहा योद्धे होय. सध्या तालुक्यात कोरोना पोझिटीव्ह रुग्णांची संख्या ५५६ पैकी बरे झालेल्यांची संख्या ४०९ असून रोजच नवीन रुग्णांची भर पडत आहे. व असे असून देखील हे कोरोना योद्धे कंभीरपणे असलेल्या परिस्थितिशी दोन हात करत आहेत व रोज मृत्यूला सामोरे जात आहेत.