ज्येष्ठ समाजसेवक प्रकाश आमटे यांना करोना ; नागपुरात उपचार सुरू !!
नागपूर : ज्येष्ठ समाजसेवक प्रकाश आमटे यांना करोनाची लागण झाली आहे. त्यांच्यावर तातडीने उपचार करण्यासाठी त्यांना नागपूरमधील रुग्णालयात दाखल करण्यात आले आहे. प्रकाश आमटे यांचे पुत्र अनिकेत आमटे यांनी ही माहिती दिली आहे. डॉ. प्रकाश आमटे यांना गेल्या ७ दिवसांपासून ताप आणि खोकला होत होता. त्यामळे त्याची परवा करोनाची तपासणी करण्यात आली. या तपासणीत RTPCR negative आली. पण असे असले तरी देखील ताप आणि खोकला औषध घेऊनसुद्धा कमी होत नव्हता. त्यानंतर आज चंद्रपूरमध्ये त्यांची पुन्हा तपासणी करण्यात आली. तेथे सीटी स्कॅन आणि इतर ब्लडटेस्ट चेकअपमध्ये त्यांना कोरोनाची लागण झाल्याचे स्पष्ट झाले, अशी माहिती अनिकेत आमटे यांनी दिलीय. त्यानंतर तज्ञ डॉक्टरांनी त्याना नागपुरातील रुग्णालयात दाखल होण्याचा सल्ला दिला. त्यानंतर त्यांना धंतोलीतील मोहरकर रुग्णालयात दाखल करण्यात आले आहे. दरम्यान, गेल्या काही दिवसांमध्ये डॉ. आमटे यांच्या संपर्कात आलेल्या सर्वांनी काळजी घ्यावी, असे आवाहन अनिकेत आमटे यांनी केले आहे.
No comments:
Post a Comment