शिवकन्या प्रतिष्ठान व आरंभ प्रतिष्ठान महाराष्ट्र राज्य यांच्या वतीने गरजूंना कपड्यांचे वाटप !
त्रंबकेश्वर, उमेश जाधव -: समाज सेवेचा वसा घेतलेल्या शिवकन्या प्रतिष्ठान व आरंभ प्रतिष्ठान महाराष्ट्र राज्य यांच्या संयुक्त विद्यमाने शनिवार दि. २६ जून रोजी मु. ढोलेवडी ता. त्रंबकेश्वर जिल्हा नाशिक येथे अनेक गरजू ग्रामस्थांना कपड्यांचे वाटप करण्यात आले. तसेच यावेळी वृक्षारोपण देखील करण्यात आले.
आरंभ प्रतिष्ठान महाराष्ट्रचे कल्याण तालुका संपर्क प्रमुख ओमकार कोळी, आरंभ प्रतिष्ठान महाराष्ट्राच्या रणरागिणी कक्ष पालघर जिल्हा अध्यक्षा सौ.माही चौधरी, आरंभ प्रतिष्ठान महाराष्ट्रचे पालघर जिल्हा उपाध्यक्ष कु. जिज्ञासा चौधरी, आरंभ प्रतिष्ठान मुरबाड ग्रामीण संपर्क प्रमुख देवेश चौधरी या पदाधिकाऱ्यांच्या प्रयत्नांनी पालघर व नाशिक जिल्ह्यामध्ये आरंभ प्रतिष्ठानच्या कार्याला मोठ्या उत्साहात व जोरित सुरुवात झाली आहे. तसेच वाडा येथे वृक्षारोपणाचा कार्यक्रम देखील संपन्न झाला.
यावेळी प्रतिष्ठानच्या वतीने अनेक वृक्षांची लागवड करण्यात आली असल्याची माहिती : "आरंभ प्रतिष्ठान महाराष्ट्राच्या रणरागिणी कक्ष पालघर जिल्हा अध्यक्षा सौ.माही चौधरी" यांनी दिली.
No comments:
Post a Comment