सामाजिक कार्यकर्ते विकासदादा गायकवाड यांच्या अध्यक्षतेखाली गोरेगांव येथे विश्वरत्न महामानव डॉ बाबासाहेब आंबेडकर यांच्या प्रतिमांचे अनावरण !
बोरघर / माणगांव, (विश्वास गायकवाड) रायगड जिल्ह्याच्या माणगांव तालुक्यातील पंचशील बौद्धजन सेवा संघ गोरेगाव विभाग स्थानिक व मुंबई,
बौध्दजन पंचायत समिती गोरेगाव विभाग, शाखा क्रमांक ८४१ यांच्या माध्यमातून विश्वरत्न महामानव डॉ. बाबासाहेब आंबेडकर यांच्या प्रतिमांचे अनावरण १५ ऑगस्ट २०२१ रोजी स्वातंत्र्य दिनाच्या अमृतमहोत्सवी सोहळ्याच्या पार्श्वभूमीवर गोरेगांव येथील कै. वामन मल्हार जोशी स्मारक.हॉल आणि ग्रामपंचायत गोरेगाव येथे विकासदादा गायकवाड यांच्या अध्यक्षतेखाली करण्यात आले.
विश्वरत्न महामानव डॉ. बाबासाहेब आंबेडकर यांच्या प्रतिमा दानशूर समाजसेवक रामदास महाडिक यांनी दिल्या होत्या. प्रतिमा अनावरण कार्यक्रमाला सरपंच जुबेर अब्बसी, विजयराज खुळे, दीलीपभाई शेठ, ग्रंथालयाचे संचालक सुरेश पालकर, कार्यवाहक नागेश पत्की, उपसरपंच विनोद बागडे, ग्रामपंचायत सदस्य सलीम रखांगी, सुभाष गायकवाड गुरुजी, ग्राम विकास अधिकारी प्रभाकर पोलेकर, पत्रकार भारत गोरेगावकर, विश्वस्त रामदास महाडिक, मुंबई संघाचे अध्यक्ष संतोष साळवी, मुकुंद पवार, सुनील हाटे, दिनेश हाटे, निलेश महाडिक, विलास महाडिक, सुदर्शन साळवी, सुभाष वाघे उपस्थित होते. सदर कार्यक्रमाचे सूत्र संचालन उदय गायकवाड व संदीप साळवी यांनी केले.
No comments:
Post a Comment