सह्याद्री कुणबी संघ, पुणे शहर आयोजित रक्तदान शिबिराला रक्तदात्यांचा उत्स्फूर्त प्रतिसाद !

सह्याद्री कुणबी संघ, पुणे शहर आयोजित रक्तदान शिबिराला रक्तदात्यांचा उत्स्फूर्त प्रतिसाद !

मुंबई - (  दिपक कारकर )

"रक्तदान" म्हणजे सर्वश्रेष्ठ दान होय. आजच्या घडीला रक्तदान काळाची गरजच आहे. एकाने रक्तदान केल्यास त्यातून चौघांना जीवदान मिळते. अनेकदा वेळेवर रक्त मिळत नसल्याने मृत्यू होण्याच्या असंख्य घटना कानी येतात. रक्तदान काळाची गरज आहे, ही जनजागृती करत व पुणे शहरातील कमी होत चाललेला रक्तपुरवठा या कर्तव्यपर सामाजिक भावनेतून विविध क्षेत्रात उल्लेखनीय कार्य करणाऱ्या संस्थेच्या माध्यमातून  प्रतिवर्षी प्रमाणे पुणे शहरात भव्य रक्तदान शिबिर याग आयोजित करणाऱ्या सह्याद्री कुणबी संघ,पुणे शहर ( महाराष्ट्र ) उपरोक्त संस्थेचा "रक्तदान शिबिर" कार्यक्रम नुकताच रविवार दि. २८ नोव्हेंबर २०२१ रोजी म.न.पा. शाळा जनता वसाहत, पर्वती पायथा गल्ली क्र. ४७/४८ येथे पार पडला. या रक्तदान शिबिराला एकूण ७३ रक्तदात्यांनी रक्तदान केले. सर्व रक्तदात्यांना भेटवस्तू देऊन संस्थेतर्फे सन्मानित करण्यात आले. या कार्यक्रमासाठी मोलाचं सहकार्य सह्याद्री हॉस्पिटल डेक्कन ब्लड बँक यांचे लाभले. हा उपक्रम यशस्वी करण्यासाठी सह्याद्री कुणबी संघाचे सर्व पदाधिकारी/कार्यकर्ते व महिला आघाडी यांनी विशेष मेहनत घेतली. कार्यक्रमाचे सूत्रसंचालन संस्थेचे पुणे शहर चिटणीस संतोष रामाणे यांनी केले.