२८/ २९ मार्च दोन दिवसांचा संप चोपडा येथेही सुरू ! "तहसीलदार यांना आयटक तर्फे निवेदन सादर"

२८/ २९ मार्च दोन दिवसांचा संप चोपडा येथेही सुरू ! 

"तहसीलदार यांना आयटक तर्फे निवेदन सादर"

चोपडा, बातमीदार ..महाराष्ट्र राज्य कामगार संघटना कृती समिती तर्फे २८/ २९ मार्च २०२२ रोजी दोन दिवसीय संपात सहभागी आहोत याची जाणीव शासनाला करून देण्यासाठी आयटक अंगणवाडी, बालवाडी कर्मचारी युनियन तर्फे चोपडा नायब तहसीलदार श्री सय्यद साहेब यांना निवेदन सादर करण्यात आले. 

तत्पूर्वी अल्पबचत भवन पटांगणात सुलोचना भदाणे अध्यक्षतेखाली मेळावा घेण्यात आला त्यात पुष्पावती मोरे, सुरेखा पाटील, मदतनीस प्रतिनिधी व आयटकचे राज्य उपाध्यक्ष कॉम्रेड अमृत महाजन, तालुका अध्यक्ष वत्सला पाटील यांनी मार्गदर्शन केले. 

निमगवहान बीट अध्यक्ष संध्या पाटील सखुबाई पाटील, मनीषा पाटील, घोडगाव बीट अध्यक्षा पुशपावती मोरे यांचे नेतृत्वात सुरेखा पाटील, कल्पना पाटील, ललिता पाटील, शकुंतला मोरे, राजश्री मोरे, सुलोचना शांताराम पाटील, कुमुदिनी कोळी, दिपाली पाटील, गणेश महाजन आदीं चे सह्यांचे १६ मागण्यांचे निवेदन मध्ये म्हटले आहे की. केंद्र सरकारने लागू केलेल्या चार कामगार सहिता रद्द करावेत व पूर्वीचे २९ कामगार कायदा लागू करा. 

सार्वजनिक उद्योगांचे खाजगीकरण बंद करा. असंघटित कर्मचाऱ्यांचे पगार २२ हजार ₹ करा. ग्रामपंचायत कर्मचाऱ्यांचे वाढीव पगारासाठी आर्थिक तरतूद करा पेट्रोल डिझेल दरवाढ गॅस दरवाढ रद्द करा सार्वजनिक क्षेत्राचे खाजगीकरण बंद करा विज कायदा रद्द करा. २८/ २९ मार्च २०२२ या दोन दिवसाच्या घोषित संपात देशातील १० केंद्रीय कामगार संघटनांनी सहभाग घेतला असून त्यात आयटक सिटू इंटर वाहतूक संघटना हिंद मजदुर सभा. बँक, विमा, टपाल, संरक्षण, खान, विज क्षेत्रात २० कोटी असंघटित जनतेचा समावेश आहे असे जळगाव जिल्हा आयटक ने प्रसिद्ध केलेल्या पत्रकात म्हटले आहे..