म्हारळ गावात साईबाबा पँनेलचा महिला स्नेह मेळावा, पैठणी जिंकण्यासाठी महिलांची तूफान उपस्थिती !!

म्हारळ गावात साईबाबा पँनेलचा महिला स्नेह मेळावा, पैठणी जिंकण्यासाठी महिलांची तूफान उपस्थिती !!

कल्याण, (संजय कांबळे) : कोरोनाच्या हिट लिस्टवर असल्याने गेल्या दोन वर्षांपासून कोणत्याही सार्वजनिक कार्यक्रमात न गेलेल्या महिला साई बाबा पॅनल आयोजित महिलस्नेह मेळावा (हळदीकुंकू) समारंभात  पैठणी जिंकण्यासाठी तूफान सहभागी होऊन उत्साहात पार पडला.

या मेळाव्यात म्हारळ व परिसरातील असंख्य महिलांची उपस्थिती  होती.

कार्यक्रमात कोरोना काळात तसेच उत्तम आरोग्य सेवा देणारे डॉक्टर, नर्स पत्रकार संजय कांबळे व आशासेविका यांचा सन्मानचिन्ह देऊन गौरव करण्यात आला तसेच शिक्षणक्षेत्रात चांगलं काम करणाऱ्या काही शिक्षक व अंगणवाडी सेविका यांचा सुद्धा गौरव करण्यात आला महिलांच्या मनोरंजनासाठी सांस्कृतिक कार्यक्रमाचे आयोजन करण्यात आले होते. कार्यक्रमाचे खास आकर्षण होते खेळ खेळूया पैठणीचा सुप्रसिद्ध निवेदक श्री हेमंत नारायण झुंजारराव सर यांनी आपल्या भाषा शैलीने सर्व उपस्थित महिलांचे मन जिंकले. खूप साऱ्या महिलांनी खेळात भाग घेऊन आनंद व्यक्त केला. तसेच आयोजकां कडून पैठणी साडी, मानाची नथ तसेच खूप सारे बक्षिसे देण्यात आली कार्यक्रम यशस्वी होण्यासाठी म्हारळ ग्रामपंचायत च्या उपसरपंच अश्विनी निलेश देशमुख, ग्रामपंचायत सदस्य सौ वेदिका विवेक गंभीरराव, सौ मनीषा किशोर वाडेकर, सौ लक्ष्मी राजन चव्हाण यांचा सोबत मी म्हारळकर च्या महिलांनी खूप मेहनत घेतली तसेच माजी उपसरपंच निलेश शिवाजीराव देशमुख, उपतालुका प्रमुख म.न.से. कल्याण विवेक सुरेश गंभीरराव, ग्रामपंचायत सदस्य किशोर गोविंद वाडेकर व म.न.से. विभाग अध्यक्ष राजन शांतीलाल चव्हाण यांनी उपस्थित सर्वांचे स्वागत व उत्कृष्ट नियोजन केलं गेलं.

गेल्या दोन वर्षे कोरोनाच्या संकटामुळे आम्हाला कुठे ही जाता आले नाही, सार्वजनिक कार्यक्रमात सहभागी होता आले नाही, परंतु आता कोरोना चे निर्बंध शिथिल केल्याने आम्ही सर्व जणी या मेळाव्यात सहभागी झालो, खूप सुंदर व देखणा हा मेळावा झाला असे बचतगटाच्या अध्यक्षा श्रीमती एस एस कांबळे यांनी सांगितले.