मनसेच्या दमदार आमदारांनी करून दाखवले, राजू पाटलांच्या मनसे इशाऱ्यामुळे बेकायदा फेरीवाल्यांनी ठोकली धूम !

मनसेच्या दमदार आमदारांनी करून दाखवले, राजू पाटलांच्या मनसे इशाऱ्यामुळे बेकायदा फेरीवाल्यांनी ठोकली धूम !

डोंबिवली, अखलाख देशमुख, दि ३१ : स्टेशन पूर्व परिसरातल्या बेकायदा फेरीवाल्यांच्या मनमानीमुळे प्रवासी आणि नागरिकांना प्रचंड मनःस्ताप होत होता. यातून मार्ग काढण्यासाठी केडीएमसीला अनेकदा अर्ज पाठवले, विनवण्या केल्या; परंतु केडीएमसीने डोंबिवलीकरांच्या मागण्यांकडे दुर्लक्ष केलं. म्हणून मग यांना १५ दिवसांची मुदतही दिली, त्याकडेही दुर्लक्ष करण्यात आलं. अखेर आज मनसे रस्त्यावर उतरली आणि गेली २५ वर्षे झोपलेली कुंभकर्णी केडीएमसी खडबडून जागी झाली.

डोंबिवली स्टेशन पूर्व परिसर मोकळा श्वास घेऊ लागलं. पण ही कारवाई केवळ एका दिवसापुरती मर्यादित राहिली तर त्याला काहीच अर्थ नाही, कायमस्वरूपी फेरीवालामुक्त डोंबिवली स्टेशन परिसर मनसेची मागणी आहे.

"फेरीवाल्यांना त्यांच्या हक्काची जागा मिळाली तरच हा प्रश्न कायमचा निकाली निघेल. आता पुन्हा झोपी जाण्याआधी हा प्रश्न मार्गी लावा, नाहीतर आम्ही आहोतच पुन्हा उठवायला" असा आमदार श्री. राजू पाटील यांनी आज इशारा दिला.