सिंधुदुर्ग जिल्ह्यातील विद्यार्थ्यांसाठी १६-१८ फेब्रुवारी रोजी सत्यवान रेडकर सरांचे निशुल्क शासकीय स्पर्धा परीक्षा मार्गदर्शन !!
ठाणे : उदय दणदणे
कोकणातील विद्यार्थ्यांचे प्रशासकीय स्वराज्य असावे ही अभिनव संकल्पना “तिमिरातुनी तेजाकडे” या शैक्षणिक चळवळीद्वारे राबविणारे कोकणपुत्र, सत्यवान यशवंत रेडकर - कनिष्ठ अनुवाद अधिकारी, मुंबई सीमाशुल्क, भारत सरकार, हे सिंधुदुर्ग जिल्ह्यातील विद्यार्थ्यांना पुढील प्रमाणे नियोजित वेळापत्रकानुसार निशुल्क मार्गदर्शन करणार आहेत__
■ शुक्रवार, १६ फेब्रुवारी २०२४ रोजी,सकाळी ८.३० वा., स.ह.केळकर कला, वाणिज्य व विज्ञान महाविद्यालय, देवगड तसेच सकाळी ११.३० वा, माध्यमिक विद्यामंदिर कुणकेश्वर, देवगड
■ शनिवार, १७ फेब्रुवारी २०२४ रोजी सकाळी ९.०० वा., एस.एल.देसाई विद्यालय, पाट, कुडाळ, तसेच दुपारी २.०० वाजता, रामेश्वर माध्यमिक विद्यालय, बांव, कुडाळ,
■ रविवार, १८.फेब्रुवारी २०२४ रोजी सकाळी १०.०० वाजता, लक्ष्मीबाई सीताराम हळबे कला, वाणिज्य व विज्ञान महाविद्यालय, दोडामार्ग
अशा नियोजित वेळापत्रकाप्रमाणे स्पर्धा परीक्षांसंदर्भात निःशुल्क मार्गदर्शन प्रदान करणार आहेत. जवळपास २४० व्याख्यानांद्वारे त्यांच्या अमोघ वाणी व मार्गदर्शनाने प्रेरित होऊन असंख्य विद्यार्थी स्पर्धा परीक्षांकडे वळू लागले आहेत. जास्तीत जास्त सिंधुदुर्ग जिल्ह्यातील विद्यार्थ्यांनी, पालकांनी व ३८ वयोगटातील खुल्या व ४३ वयोगटातील राखीव प्रवर्गातील इच्छुक व्यक्तींनी या निःशुल्क शासकीय स्पर्धा परीक्षा मार्गदर्शनाचा लाभ घ्यावा असे आवाहन कोकणपुत्र, प्रेरणादायी व्याख्याते, प्रमुख मार्गदर्शक: सत्यवान यशवंत रेडकर यांनी केले आहे.
No comments:
Post a Comment