महाविकास आघाडीच्या वैशाली दरेकर यांचा उमेदवारी अर्ज कल्याण लोकसभा मतदारसंघातून दाखल !!
** आदित्य ठाकरे यांचा रॅलीत सहभाग, जितेंद्र आव्हाड व वरुन देसाई यांची प्रमुख उपस्थिती
अर्ज दाखल करताना युवा नेते आदित्य ठाकरे, आमदार डॉ.जितेंद्र आव्हाड, माजी आमदार सुभाष भोईर, संपर्कप्रमुख गुरूनाथ खोत, जिल्हाप्रमुख सदानंद थरवळ, तालुका प्रमुख प्रकाश म्हात्रे, काँग्रेसचे नेते संतोष केणे, प्रवक्ते महेश तपासे, उपजिल्हा संघटक हर्षवर्धन पालांडे, युवा नेते वरूण सरदेसाई, जिल्हाप्रमुख धनंजय बोडारे, राष्ट्रवादीचे वंडार पाटील उपस्थित होते.
कळवा, मुंब्रा, कल्याण पूर्व, डोंबिवली, दिवा, अंबरनाथ, उल्हासनगर, कल्याण ग्रामीण, गाव परिसर येथून हजारो शिवसैनिक दरेकर यांच्या रॅलीत सहभागी होण्यासाठी आले होते. ढोल ताशांच्या गजरात ही रॅली काढण्यात आली. उमेदवार वैशाली दरेकर यांनी डोंबिवलीचे ग्रामदैवत असलेल्या गणपती मंदिरात जाऊन गणेशाचे दर्शन घेत आशिर्वाद घेतला तसेच शिवसेना मध्यवर्ती कार्यालय परिसरातील छत्रपती शिवाजी महाराजांच्या पुतळ्यास पुष्पहार अर्पण करून रॅलीत सहभागी झाल्या.
यावेळी शिवसेनेचे (उबठा) युवा नेते आदित्य ठाकरे रॅलीत सहभागी झाल्याने पदाधिकारी व कार्यकर्ते यांच्यात वेगळाच उत्साह पहायला मिळला. ही रॅली मध्यवर्ती शाखा येथून चार रस्ता, टिळक रोड, शेलार नाका, घरडा सर्कल मार्गे र्रली मार्गस्थ झाली. यावेळी इंडिया आघाडीतील घटकपक्षांची मोठी गर्दी दिसून आली. जमलेले शिवसैनिक व नागरिकांचा उत्साह पहाता ही निवडणूक विद्यमान खासदारांना सोपी जाईल असे दिसत नाही.
सामान्य महिला विरुद्ध धनशक्ती मशाल पॉवर अशी ही लढत होणार आहे. त्यामध्ये कल्याण लोकसभेचे जनता हे निष्ठावंत वैशाली दरेकर यांच्या सोबत उभी राहणार असल्याचे सांगितले. आमच्या पक्षात कोणतेही नाराजी नसून नाराजी असेल तर ते दूर करण्यात येईल असे देखील यावेळी वरून सरदेसाई यांनी सांगितले. उद्धव ठाकरेंच्या प्रति संपूर्ण महाराष्ट्रात प्रचंड सहानुभूती लोकप्रियतेची लाट आहेत. त्या लाटेवर आमचा विश्वास आहे आणि आम्ही परत एकदा जिंकू असे सांगितले. असे युवा नेते वरुन देसाई यांनी सांगितले.
No comments:
Post a Comment