आम्हाला कोणाचेच आव्हान नाही, जनतेलाच नकोत निष्क्रिय खासदार - सुरेश म्हात्रे (बाळ्या मामा)

आम्हाला कोणाचेच आव्हान नाही, जनतेलाच नकोत निष्क्रिय खासदार - सुरेश म्हात्रे (बाळ्या मामा)

विरोधी पक्षातील नेत्यांचे सुध्दा आम्हाला सहकार्य - वैशाली दरेकर 

कल्याण, प्रतिनिधी : कल्याणमध्ये कल्याण लोकसभा मतदारसंघाच्या उमेदवार वैशाली दरेकर व भिवंडी लोकसभा मतदारसंघाचे उमेदवार सुरेश म्हात्रे यांची संयुक्त पत्रकार परिषद होती. या पत्रकार परिषदेत काँग्रेस, राष्ट्रवादी शरद पवार गट, शिवसेना ठाकरे गटाचे पदाधिकारी उपस्थित होते. यावेळी निवडणुकीच्या तोंडावर शिवसेना ठाकरे गटातून काही पदाधिकाऱ्यांनी शिवसेना शिंदे गटात प्रवेश या प्रश्नाला उत्तर देताना सुरेश म्हात्रे यांनी निवडणूक जवळ आली की अशा घटना घडत असतात, प्रत्यक्षात महाविकास आघाडीमध्ये नाराजी नाही. जे गेले त्या पेक्षा जनतेलाच बदल हवाय हे महत्त्वाचे असे सांगितले.

महाविकास आघाडीत कोणतीही नाराजी नाही पण महायुतीतील कार्यकर्त्यांमध्येच नाराजी दिसून येत आहे, पहिल्यांदाच स्वतः खासदार आज संपूर्ण मतदारसंघात फिरताना दिसत आहेत यावरून लक्षात येते की मतदारसंघात त्यांच्या विषयी किती नाराजी आहे, दोन्ही मतदारसंघांत कोणतेही ठोस असे विकासाचे काम झाले नाही, गेले दहा वर्ष सत्तेत असूनही अजूनही विकासावरच बोलतात, मग गेले दहा वर्षात तुम्ही काय केलेत, कॉग्रेस पक्ष आमच्या सोबतच आहे. 

महाविकास आघाडीच्या भिवंडी लोकसभा आणि कल्याण लोकसभा या दोन्ही लोकसभा मधून उमेदवारांनी संयुक्त पत्रकार परिषद घेतली या पत्रकार परिषदेत काँग्रेसचे जिल्हाध्यक्ष सचिन पोटे, राष्ट्रवादी काँग्रेस पक्ष शरद पवार गट प्रवक्ते महेश तपासे, शिवसेना ठाकरे गटाचे पदाधिकारी शरद पाटील पदाधिकारी उपस्थित होते.