देवरुखात जागतिक महिला आणि कामगार दिन संयुक्तपणे होणार साजरा !!

देवरुखात जागतिक महिला आणि कामगार दिन संयुक्तपणे होणार साजरा !!

** विशेष योगदान दिलेल्या कर्तृत्ववान महिलांना लोकनिर्माण हिरकणी सन्मान २०२४ आणि कामगार क्षेत्रात विशेष योगदान दिलेल्या कामगारांना गुणवंत कामगार पुरस्कार होणार प्रदान 

मुंबई (शांताराम गुडेकर) :

           लोकनिर्माण वृत्तपत्राच्या माध्यमातून गेली पंधरा वर्षे जागतिक घडामोडींवर अनेक उपक्रम साजरे करण्यात येतात. गेली तीन वर्षे  हे उपक्रम संयुक्तपणे साजरे केले गेले. याही वर्षी १ मे २०२४ रोजी रत्नागिरी जिल्ह्यातील संगमेश्वर तालुक्यामधील देवरुख शहर येथील पार्वती पॅलेस हाॅटेल सभागृहात सकाळी ११ वाजता जागतिक महिला दिन आणि कामगार दिन संयुक्तपणे साजरा करण्यात येणार आहे.‌या कार्यक्रमाला प्रमुख पाहुणे म्हणून मा.श्री. संजय मंगला गोपाळ (राष्ट्रीय समन्व्यक) जन आंदोलनाचा राष्ट्रीय समन्व्यय (N. A. P. M), पूर्व अध्यक्ष व विश्वस्त साने गुरुजी राष्ट्रीय स्मारक तसेच साप्ताहिक लोकनिर्माण संपादक श्री. बाळकृष्ण कासार (अध्यक्ष -लोकनिर्माण प्रतिष्ठान) याशिवाय विविध क्षेत्रातील मान्यवर मंडळी उपस्थित रहाणार आहेत. या दिवशी सामाजिक, शैक्षणिक, सांस्कृतिक आणि राजकीय क्षेत्रात विशेष योगदान दिलेल्या कर्तृत्ववान महिलांना लोकनिर्माण हिरकणी सन्मान २०२४ आणि कामगार क्षेत्रात विशेष योगदान दिलेल्या कामगारांना गुणवंत कामगार पुरस्कार देऊन सन्मानित करण्यात येणार आहे. 

       विशेष म्हणजे २०२३ या वर्षी दीपावली निमित्ताने महिलांच्या कलागुणांना प्रोत्साहन देण्यासाठी लोकनिर्माण न्युज चॅनल च्या माध्यमातून "दिवाळी आनंदाची, मेजवानी फराळाची" हे विषय घेऊन स्पर्धेत सहभागी होणाऱ्या महिलांनी पाच ते दहा मिनिटात आणि दिलेल्या मुदतीत कृतीसह रेसीपीचे व्हिडिओ पाठविण्याचे आवाहन केले होते. या आवाहनाला साथ देत अनेक महिलांनी नाव नोंदणी केली होती. यापैकी आठ महिलांनी दिलेल्या मुदतीत रेसिपी चे व्हिडिओ पाठवले होते. स्पर्धेचा निकाल हा ज्यांचे व्हुज आणि लाईक जास्त आले अशा तीन स्पर्धकांचे क्रमांक जाहीर करण्यात आले. त्यातील प्रथम क्रमांक सौ. साक्षी चव्हाण - राजापूर, द्वितीय क्रमांक सौ. मानसी चांदोरकर - चांदोर, तृतीय क्रमांक सौ. आदिती भावे - रत्नागिरी, आणि उत्तेजनार्थ सौ. रुता पंडित रत्नागिरी असून या पुरस्कार सोहळ्याला मोठ्या संख्येने उपस्थित राहावे असे आवाहन सामाजिक कार्यकर्ते आणि लोकनिर्माण चे सहसंपादक युयुत्सु आर्ते यांनी केले आहे.