समेळगावातील नैसर्गिक नाल्याला स्थानिक महिलांकडुन एकत्र येत भावपूर्ण श्रध्दांजली....

समेळगावातील नैसर्गिक नाल्याला  स्थानिक महिलांकडुन एकत्र येत भावपूर्ण श्रध्दांजली....

***'नैसर्गिक नाला संवर्धन साठी महिला करणार आंदोलन...

         नानालासोपारा, प्रतिनिधी :- शहरातील उमराळे समेळपाडा, साई  नगर परिसरातील सांडपाणी व पावसाचे पाणी वाहणारा ४० वर्षापासुनचा नैसर्गिक नाला बुजवण्यात आला असुन नगर रचना विभाग यांच्याशी संगणमत करून  त्याठिकाणी भव्य मोठे कॉलेज बांधण्याचे काम चालु आहे.

समेळपाडा उमराळे येथिल रहिवासी भाग वाढत चाललेला आहे. ज्यांनी नालाकाठी जागा घेतल्या, त्यांनी आपल्या आवश्‍यकतेप्रमाणे जागा वाढवून नाल्याचे पाणी वळविले.

काहीनी चक्क नालाच बुजवुन आरसीसी पाईप टाकुण त्याजागी बांधकाम केले आहे.

वास्तविक अंतिम लेआउट मंजूर करताना स्थळपाहणी करून मंजुरी देणे बंधनकारक आहे. महापालिकेच्या नगररचना विभागाच्या अधिकाऱ्यांनी प्रत्यक्ष स्थळपाहणी न करता कार्यालयात बसूनच भुमाफीया यांना लेआउटला मंजुरी दिली आहे.

महापालिका नगर रचना विभागाचे अधिकारी व भुमी अभिलेख चे अधिकारी यांनी भुमाफीया यांचा आर्थिक फायद्यासाठी नकाशावरून नाला गायब करणे व पाहणी न करता बांधकाम करण्यास परवानगी देवून कायदेभंग केला आहे.

नैसर्गिक नाल्याचे रूपांतर नाली मध्ये झाले असुन सांडपाणी साचले आहे व येणारया पावसाळ्यात उमराळे, समेळपाडा व साई नगर परिसर पाण्याखाली जाणार असल्याची नागरीकांकडुन चिंता व्यक्त केली जात आहे.

अनेकवेळा मागणी करून हि कोणतेही कारवाई व नैसर्गिक नाल्याचे संवर्धन होत नसल्याने अखेर स्थानिक महिला एकत्र येत याचा विरोध करत आज नैसर्गिक नाल्याला श्रध्दांजली वाहिली व नैसर्गिक नाल्यावर बांधलेल्या कॉलज चा विरोधात मोठे आंदोलन करणार असल्याचे महिलांकडुन सांगण्यात आले. ....