आळंदी येथील महायोगोत्सवात मुंबई जिल्हा समूहाचे रिद्मिक योगचे उत्कृष्ट सादरीकरण !!

आळंदी येथील महायोगोत्सवात मुंबई जिल्हा समूहाचे रिद्मिक योगचे उत्कृष्ट सादरीकरण !!

【 मुंबई:उदय दणदणे 】

शनिवार दिनांक १६ व १७ नोव्हेंबर २०२४ रोजी, महाराष्ट्र योगशिक्षक संघाचे संस्थापक अध्यक्ष डॉ. मनोज निलपवार सर यांच्या मार्गदर्शनाखाली संतांची नगरी पुणे आळंदी येथील मुंबई फ्रुटवाला धर्मशाळा मध्ये महाराष्ट्र योगशिक्षक संघचे महायोगोत्सव २०२४ हे संपन्न झाले !

 

महाराष्ट्र योगशिक्षक संघ हे राज्यातील योगशिक्षकांच्या हिताचे काम गेल्या अनेक वर्षापासून करत आहे. योगशिक्षकांच्या अनेक अडीअडचणी जाणून घेऊन त्यांना योग्य ते मार्गदर्शन करणे हे महाराष्ट्र संघाचे मुख्य हेतू आहे. दरवर्षी महायोगोत्सव साजरा करण्याचा मुख्य हेतू हाच असतो की राज्यातील सर्व योगशिक्षक एकाच छताखाली येऊन एकमेकांच्या विचारांची देवाणघेवाण करतील व महाराष्ट्रातील सर्व जिल्ह्यांमधील सदस्यांची ओळख होईल. 

ह्या दोन दिवसीय महायोगोत्सव मध्ये योग संबंधी अनेक व्याख्याने व योग आसनांचे प्रात्यक्षिके सादर करण्यात आले. या महायोगोत्सवात एकूण ९०० योगशिक्षक सदस्य उपस्थित होते, तसेच मुंबई जिल्ह्यांमधून रिद्मिक योग माध्यमातून योग आसनचे अतिशय उत्कृष्ट सादरीकरण करण्यात आले, यावेळी मुंबई जिल्हा उपाध्यक्षा साक्षी कलगुटकर, हेमवंता जिजाबाई, महासचिव कृष्णकुमार शिंदे, सचिव सुषमा माने, अमित चिबडे, कोषाध्यक्षा रिद्धी देवघरकर, संघटन सचिव विकास ओव्हाळ, मीडिया प्रभारी प्रशांत मकेसर, मुंबई जिल्हा सदस्य विजयालक्ष्मी शर्मा, प्रसाद काठे, अर्निका बांदेलकर, हिरा गणवीर, मनुजा चव्हाण, प्रियंका भोसले, भारती कावनकर, श्वेता पिसाळ, केशर कुलाबकर, सुनीता कांबळे व महाराष्ट्र योगशिक्षक संघाचे मुंबई जिल्हा अध्यक्ष संतोष खरटमोल उपस्थित होते.