राम कदम यांच्या समर्थनात आई माऊली प्रतिष्ठान मैदानात !!
घाटकोपर, (केतन भोज) : घाटकोपर पश्चिम विधानसभा क्षेत्रामध्ये महाविकास आघाडी उद्धव बाळासाहेब ठाकरे गटाचे संजय भालेराव, मनसेचे गणेश चुक्कल तर भाजपचे राम कदम यांच्यात तिरंगी लढत होत आहे. मतदार संघातील महायुती भाजपचे अधिकृत उमेदवार राम कदम यांच्या भव्य प्रचार रॅलीचे आयोजन रविवारी करण्यात आले. यावेळी विक्रोळी पार्कसाईट येथील आई माऊली प्रतिष्ठानचे सर्व सदस्य पदाधिकारी भाजपचे घाटकोपर मंडल अध्यक्ष अनिल निर्मळे यांच्या मार्गदर्शनाखाली राम कदम यांच्या प्रचारार्थ प्रचंड मेहनत घेत आहेत. राम कदम यांना कोणत्याही स्थितीत निवडून आणण्याचा चंग त्यांनी बांधला आहे. यावेळी या आयोजित करण्यात आलेल्या प्रचार रॅलीमध्ये आई माऊली प्रतिष्ठानचे सर्व सदस्य व पदाधिकारी राम कदम यांच्या समर्थनात त्यांच्या प्रचारार्थ प्रचाराच्या मैदानात उतरले होते.
No comments:
Post a Comment