शिवभक्त संजय भालेराव यांच्या प्रचार बाईक रॅलीला घाटकोपर पश्चिम वासियांचा प्रचंड प्रतिसाद !
घाटकोपर, (केतन भोज) : घाटकोपर पश्चिम विधानसभा क्षेत्रामध्ये महाविकास आघाडी उद्धव बाळासाहेब ठाकरे गटाचे संजय भालेराव, मनसेचे गणेश चुक्कल तर भाजपचे राम कदम यांच्यात तिरंगी लढत होत आहे. या विधानसभा मतदारसंघामध्ये तिन्ही पक्षांच्या उमेदवारांच्या प्रचारांचा धुरळा उडाला आहे. शिवसेना उद्धव बाळासाहेब ठाकरे गटाचे अधिकृत उमेदवार शिवभक्त संजय भालेराव यांची भव्य प्रचार बाईक रॅली रविवारी काढण्यात आली. शिवभक्त संजय भालेराव यांनी नेहमीप्रमाणे अमृत नगर छत्रपती शिवाजी महाराज चौक येथील छत्रपती शिवाजी महाराज यांच्या अश्वरूढ पुतळ्यास पुष्पहार अर्पण करून अभिवादन करत या बाईक रॅलीला सुरुवात केली. या बाईक रॅलीच्या माध्यमातून घाटकोपर पश्चिम मतदारसंघामध्ये मतदारांची भेट घेत विधानसभा क्षेत्रामध्ये शिवभक्त संजय भालेराव यांनी भव्य शक्तिप्रदर्शन केले. यावेळी या प्रचार बाईक रॅलीला कार्यकर्ते आणि नागरिकांचा उत्स्फूर्त प्रतिसाद पाहायला मिळाला असून घाटकोपर पश्चिम मधील विविध चौकांमध्ये पक्षाच्या कार्यकर्त्यांच्या माध्यमातून शिवभक्त संजय भालेराव यांच्या बाईक रॅलीचे स्वागत करण्यात आले. हाती मशाल मनात निष्ठा आणि बदलाचा ध्यास घेऊन निघालेली ही रॅली विजयाची ग्वाही देत असल्याचे मत यावेळी शिवभक्त संजय भालेराव यांनी व्यक्त केले.
No comments:
Post a Comment