उपमुख्यमंत्री एकनाथ शिंदे यांच्याकडून ४८ तासात शब्दपूर्ती !

उपमुख्यमंत्री एकनाथ शिंदे यांच्याकडून ४८ तासात शब्दपूर्ती !

** माजी क्रिकेटपटू विनोद कांबळी यांना डॉ.श्रीकांत शिंदे फाउंडेशनकडून ५ लाखांचा धनादेश सुपूर्द

 

मुंबई, (केतन भोज) : माजी क्रिकेटपटू विनोद कांबळी यांना ठाणे येथील आकृती रुग्णालयात उपचारासाठी काही दिवसांपूर्वी ऍडमिट करण्यात आले होते. हि माहिती राज्याचे उपमुख्यमंत्री एकनाथ शिंदे आणि डॉ.खासदार श्रीकांत शिंदे यांना समजताच त्यांचे ओएसडी मंगेश चिवटे यांनी रुग्णालयात विनोद कांबळी यांची भेट घेऊन डॉ.श्रीकांत शिंदे फाउंडेशनकडून ५ लाखांची मदत जाहीर केल्याचे सांगितले होते.संवेदनशील उपमुख्यमंत्री एकनाथ शिंदे यांनी केवळ ४८ तासात संपूर्ण मदत विनोद कांबळी यांना दिली आहे. संवेदनशील उपमुख्यमंत्री एकनाथ शिंदे यांच्या आदेशाने आणि डॉ.खासदार श्रीकांत शिंदे यांच्या सूचनेनुसार ठाणे येथील आकृती हॉस्पिटल मध्ये डॉ.श्रीकांत शिंदे फाउंडेशनकडून विनोद कांबळी यांना ५ लाखांचा धनादेश सुपूर्त करण्यात आला. डॉ.श्रीकांत शिंदे फाउंडेशनचे अध्यक्ष विलास जोशी, फाउंडेशनचे विश्वस्त प्रदीप धवल आणि फाउंडेशनचे विश्वस्त जे.बी.भोर यांच्या हस्ते आणि हॉस्पिटलचे संचालक यांच्या उपस्थिती धनादेश विनोद कांबळी यांना देण्यात आला.यावेळी फाउंडेशनकडून कांबळी यांच्या प्रकृतीची आस्थेवाईकपणे चौकशी करण्यात आली. सोबतच कांबळी यांच्या उपचारात कुठलीही कमी भासू नये अशी विनंती करण्यात आली आहे. रुग्णालयात भरती असलेले विनोद कांबळी यांनी भावुक होऊन उपमुख्यमंत्री एकनाथ शिंदे आणि डॉ.खासदार श्रीकांत शिंदे यांचे आभार मानले आहे. यावेळी रुग्णालायत डॉ.श्रीकांत शिंदे फाउंडेशनचे अध्यक्ष विलास जोशी, विश्वस्त प्रदीप धवल, विश्वस्त जे.बी.भोर, आकृती रुग्णालयाचे संचालक शैलेश सिंग (ठाकूर), रुग्णलयाचे डॉक्टर व शिवसेना वैद्यकीय मदत कक्षाचे समन्वयक उपस्थित होते.