"सिद्धार्थ महाविद्यालयात" रक्तदान शिबिर संपन्न !!
मुंबई, डॉ. विष्णू भंडारे -
सिद्धार्थ महाविद्यालय, (आनंद भवन) राष्ट्रीय सेवा योजना विभागाने नायर हॉस्पिटल ब्लड बँकेच्या सहकार्याने शनिवार, दि. २२-२-२०२५ रोजी ग्रथांलयात रक्तदान शिबिराचे आयोजन केले होते. या शिबिरात एकून ३० विद्यार्थ्यांसह काही कर्मचाऱ्यांनी देखील रक्तदान केले. बऱ्याच विद्यार्थ्यांनी त्यांची इच्छा असूनदेखील त्यांचे हिमोग्लोबिन कमी असल्यामुळे ते रक्तदान करू शकले नाहीत. या शिबिराला काही माजी विद्यार्थ्यांनी देखील भेट देऊन रक्तदान केले.
कॉलेजच्या कर्मचाऱ्यांपैकी राणी बनसोडे, वृषाली मोरे, सचिन काळे, भरत कासारे, राहुल वालंत्रा व धर्मराज ब्रामणे यांनी रक्तदान केले. तसेच प्राचार्य डॉ. यु. एम. मस्के व उपप्राचार्य डॉ. समीर ठाकूर व ईतर जेष्ठ प्राध्यापकांनी एनएसएच्या विद्यार्थ्यांचे, सदर उपक्रम यशस्वीरित्या राबवल्याबद्दल कौतुक केले. प्रा. विशाल करंजवकर यांच्या नेतृत्वाखाली सर्व एनएसएसच्या विद्यार्थ्यांनी रक्तदान शिबीरासाठी भरपूर मेहनत घेतली. यात प्रामुख्याने साक्षी वर्मा, अर्पिता घाटये, तन्वी डोळस, ध्रुव वालावलकर, विघ्नेश बनसोडे, आदित्य कसबे, नम्रता या सिनिअर विद्यार्थ्यांनी विशेष योगदान दिले.
No comments:
Post a Comment