"सिद्धार्थ महाविद्यालया"त 'राष्ट्रीय विज्ञान दिवस' साजरा !
मुंबई, डॉ. विष्णू भंडारे : सिद्धार्थ महाविद्यालयाच्या राष्ट्रीय सेवा योजना विभागाने शुक्रवार, दि. २८/२/२०२५ रोजी सकाळी ठिक ११ वाजता 'राष्ट्रीय विज्ञान दिवस' कार्यक्रमाचे आयोजन केले होते. या कार्यक्रमासाठी अंधश्रद्धा निर्मूलन समितीच्या कार्यकर्त्यांना 'अंधश्रद्धा व बुवाबाजी' या विषयावर विद्यार्थ्यांसाठी व्याख्यान व प्रात्यक्षिके दाखविण्याचा कार्यक्रम कॉलेजच्या सभागृहात आयोजित केला होता.
अंनिस चे जेष्ठ कार्यकर्ते, श्री रविंद्र खानविलकर सरांनी कार्यक्रमाची सुरुवात,
_भूत, भानामती, करणी मूठ ! विज्ञान सांगते सारे झूठ !!_
या घोषवाक्यांने केली. त्यांनी विद्यार्थ्यांना, महाराष्ट्र शासनाने २०१३ साली लागू केलेल्या 'अंधश्रद्धा व जादूटोणा विरोधी कायद्याबद्दल' सखोल माहिती दिली. या कायद्यामुळे एखाद्या बुवा, बाबा किंवा मांत्रीकाकडून अमानुष, अनिष्ट व अघोरी प्रथां सांगून आणि जादूटोणा करून लोकांची फसवणूक करण्यावर प्रतिबंध करण्यात आला आहे. अंधश्रद्धेतून कुणाचेही शोषण होऊ नये यासाठी हा कायदा करण्यात आला आहे, याचेही त्यांनी सविस्तर विवेचन केले.
त्यानंतर अनिसचे दुसरे कार्यकर्ते श्री. सुनिल मोरे व श्री चंद्रकांत सर्वगौड यानी अंधश्रद्धेबाबतची काही प्रात्येक्षिकेही मुलांना करून दाखवली व त्यामागील वैज्ञानिक सत्य कसे ओळखायचे हे देखिल समजाऊन सांगितले. उदा...पाण्याने पनती पेटवणे, नारळातून काळी रिबीन काढणे, हातातून सोन्याची चैन, विभूती काढणे, जळता कापूर खाने, एखाद्याच्या अंगात देव-देवी येण्यामागचे मानसशास्त्रीय विश्लेषण इत्यादी. यामध्ये त्यांचे सहकारी श्री. कैलाश मोहिते व जगन्नाथ साबळे यांनीदेखिल सहकार्य केले.
एकून ७० विद्यार्थ्यासह डॉ. विष्णु भंडारे व काही शिक्षकही कार्यक्रमास उपस्थित होते. हा कार्यक्रम यशस्वीरीत्या राबवण्यासाठी एन एस एस कार्यक्रम अधिकारी, प्रा. विशाल करंजवकर यांनी योग्य नियोजन केले व त्यांच्यासोबत विघ्नेश बनसोडे व राज हेगीष्ठे या विद्यार्थ्यानी परिश्रम घेतले. प्राचार्य डॉ. यु एम मस्के सरांनी सर्व सहभागी विद्यार्थ्यांना 'राष्ट्रीय विज्ञान दिनाच्या' शुभेच्छा दिल्या.
No comments:
Post a Comment