रोटरी क्लब चोपडा कडून गणपती मंडळांना निर्माल्य संकलन बॉक्स व मास्क चे वाटप.!!

रोटरी क्लब चोपडा कडून गणपती मंडळांना निर्माल्य संकलन बॉक्स व मास्क चे वाटप.!!

चोपडा वार्ताहर,: रोटरी ही एक आंतरराष्ट्रीय सामाजिक संस्था असून ती फक्त शैक्षणिक व आरोग्य यावरच कार्य करत नसून ती पर्यावरण सुरक्षितेचा देखील भान ठेवून कार्य करीत असते त्याचाच एक भाग म्हणून रोटरी क्लब चोपडा ने आज २२ ऑगस्ट २०२० रोजी भगवान गणेशोत्सवाच्या पहिल्या दिवशी निर्माल्य संकलनासाठी २० मोठ्या गणेश मंडळांना "निर्माल्य संग्रह बॉक्स" वाटप करण्यात आले (भगवान गणेशला अर्पण करून झालेल्या फुलांच्या माळा व फुले त्यास निर्माल्य म्हणतात.)गणेश उत्सवादरम्यान निर्माल्य गोळा होते व ते तसेच नदीमध्ये विसर्जित करण्यात येते व त्या त्यामुळे पाण्याचे प्रदूषण होते ते टाळण्यासाठी रोटरी क्लब चोपडा ने पुढाकार घेऊन चोपड्यातील सर्व लहान-मोठ्या गणेश मंडळांना निर्माल्य संकलन बॉक्स तसेच यावर्षी कोरोना चा प्रादुर्भाव पाहता मास्क वाटप केले.

गणपती विसर्जनाच्या दिवशी गोळा झालेले सर्व निर्माल्य रोटरी क्लब ची टीम सदर गणपती मंडळांकडून गोळा करून ते सेंद्रिय खत तयार करण्यासाठी वापरले जाईल व त्यामुळे पर्यावरणाचे जतन होईल असे रोटरीचे अध्यक्ष नितीन अहिरराव यांनी सांगितले.

*विसर्जनासाठी "रोटरी सेवा ट्रॅक्टर्स"ची सेवा*

सर्व लहान मोठे गणपती विसर्जन करण्यासाठी रोटरी कडून ट्रॅक्टरची व्यवस्था श्री छत्रपती शिवाजी महाराज चौक येथे केलेली आहे तरी सर्व नागरिकांनी आपल्या घरातील गणपती,विसर्जनासाठी "रोटरी सेवा ट्रॅक्टर" वर आणून द्यावे असे आवाहन रोटरीचे अध्यक्ष नितीन अहिरराव,सचिव रुपेश पाटील, प्रकल्पप्रमुख प्रफुल्ल गुजराथी,चंद्रशेखर साखरे, व्हि.एस.पाटील, वेले आर.सी.सी. अध्यक्ष विकेश पाटील व सर्व रोटरी सदस्यांनी  केले आहे.