विक्रोळी येथील यंग स्टार ग्रुपचा सामाजिक उपक्रम
दहीहंडी उत्सव रद्द करुन शालेय विद्यार्थ्यांना शैक्षणिक साहित्याचे वाटप !!
घाटकोपर, (केतन भोज) ; विक्रोळी पश्चिम येथील यंग स्टार ग्रुपची दहीहंडी पार्कसाईट मध्ये प्रसिद्ध आहे. पण गेल्या दीड वर्षांपासून कोरोनाचं मोठं सावट आहे.कोरोनाचा संसर्ग पुन्हा एकदा वाढतो आहे. गेल्या तीन दिवसांचा आलेख पाहिला तर कोरोनाचं सावट वाढतंय असं वाटू लागलंय. तशा केसेसही समोर येऊ लागल्या आहेत.
त्यामुळे यंग स्टार ग्रुप ने सामाजिक बांधिलकी जपत राज्य शासनाने केलेल्या आवाहनाला प्रतिसाद देत दहीहंडी उत्सव यंदा रद्द करून त्याऐवजी यंग स्टार ग्रुपचे आधारस्तंभ श्री.मनोज भाई दुबे व घाटकोपर शिवसेना विधानसभा संघटक श्री.सुनिल मोरे यांच्या मार्गदर्शनाखाली व यांच्या विशेष उपस्थितीत विभागातील गरजू शालेय विद्यार्थ्यांना यंग स्टार ग्रुपचे संस्थापक श्री.तुषार निर्मळ व समीर राऊत व सर्व ग्रुपचे सदस्य, आई माऊली ग्रुप यांच्या हस्ते शैक्षणिक साहित्याचे वाटप यावेळी करण्यात आले.
No comments:
Post a Comment