क्रांतीज्योती सावित्रीबाई फुले यांच्या जयंती दिनी महापालिकेतर्फे अभिवादन !

क्रांतीज्योती सावित्रीबाई फुले यांच्या जयंती दिनी महापालिकेतर्फे अभिवादन !

कल्याण, हेमंत रोकडे : आद्य शिक्षिका क्रांतीज्योती सावित्रीबाई फुले यांच्या जयंती दिनानिमित्त महापालिका मुख्यालयात आज त्यांच्या प्रतिमेस आयुक्त डॉ. विजय सूर्यवंशी यांच्या शुभहस्ते पुष्पहार अर्पण करून अभिवादन करण्यात आले. या समयी उपस्थित अतिरिक्त आयुक्त सुनिल पवार, मुख्य लेखा व वित्त अधिकारी सत्यवान उबाळे, उपायुक्त बाळासाहेब चव्हाण, पल्लवी भागवत, अर्चना दिवे, विनय कुलकर्णी, अनंत कदम, वैदयकीय आरोग्य अधिकारी अश्विनी पाटील, महापालिका सचिव संजय जाधव, सहाय्यक आयुक्त इंद्रायणी करचे तसेच इतर अधिकारी व कर्मचारी वर्ग यांनी देखील सावित्रीबाई फुले यांच्या प्रतिमेस पुष्पसुमने अर्पण करून अभिवादन केले. 

क्रांतीज्योती सावित्रीबाई यांचा जयंती दिन हा सर्वत्र "बालिका दिन" म्हणूनही साजरा केला जात असल्याने, त्यांच्या जयंतीचे औचित्य साधून आज महापालिकेच्या शाळांमधील 10 विद्यार्थिनींना (बालिकांना) महापालिका शिक्षण मंडळ व अक्षयपात्र संस्था यांच्या संयुक्त विद्यमाने लेखन साहित्य व इतर जीवनावश्यक वस्तूंचा अंतर्भाव असलेल्या हॅपीनेस किट्सचे वाटप महापालिका आयुक्त डॉ. विजय सूर्यवंशी ,इतर अधिकारी वर्ग व शिक्षण विभागाचे उपायुक्त यांचे हस्ते करण्यात आले.

महापालिकेच्या घनकचरा विभाग मार्फत दि. 3 ते 9 जानेवारी हा सप्ताह प्लास्टिक निर्मूलन म्हणून साजरा केला जात असल्यामुळे या कार्यक्रमास उपस्थित असलेल्या अधिकारी व कर्मचारी वर्गातर्फे यावेळी प्लास्टिक निर्मूलनाची शपथ घेण्यात आली.