महाडीबीटी पोर्टलवर अर्ज करण्यास मुदतवाढ, ३१ मार्चपर्यंत मुदत !!
* अर्ज करण्याचे समाज कल्याण विभागाचे आवाहन
* मागासवर्गीय विद्यार्थी शिष्यवृत्तीपासून वंचित राहील्यास प्राचार्य जबाबदार राहणार*
मुंबई, बातमीदार : सामाजिक न्याय व विशेष सहाय्य तसेच बहुजन कल्याण इतर मागास विभागामार्फत प्रत्येक वर्षी अनुसूचित जाती, भटक्या जमाती, इतर मागास व विशेष मागासप्रवर्गातील मॅट्रीकोत्तर शिक्षण घेत असलेल्या विद्यार्थ्यांना भारत सरकार शिष्यवृत्ती आणि राज्य शासनाची शिक्षण फी, परिक्षा फी या योजनांचा लाभ देण्यात येतो.
सदर योजनेचा लाभ घेण्यासाठी विद्यार्थ्यास विभागाच्या https:// mahadht.mahit.gov.in या पोर्टलवरुन ऑनलाईन अर्ज भरणे आवश्यक आहे. सदर प्रणालीवर ऑनलाईन अर्ज करण्याची सुविधा 14 फेब्रुवारी पासुन उपलब्ध करुन देण्यात आलेली आहे. जिल्ह्यात अनुसूचित जाती, इमाव, विजाभज व विमाप्र प्रवर्गाच्या विद्यार्थ्यांचे अर्ज नोंदणी मागील वर्षाच्या तुलनेत कमी झाले आहे. सामाजिक न्याय विभाग, बहुजन कल्याण विभागामार्फत मंजूर करण्यात येणाऱ्या अनुसूचित जाती, इमाव, विजाभज व विमाप्र प्रवर्गाच्या विद्यार्थ्यांशी प्रत्यक्ष संपर्क साधून त्यांना दिलेल्या मुदतीत ऑनलाईन अर्ज करण्याची सूचना महाविद्यालयांनी द्यावी. विद्यार्थ्यांनी मुदतीत अर्ज न भरल्यास विद्यार्थ्याला शिष्यवृत्ती योजनेचा लाभ घेता येणार नाही. मागील वर्षीच्या तुलनेत नोंदणी १०० टक्के करण्यात यावी.
अनुसूचित जाती प्रवर्गातील विद्यार्थ्यांना ऑनलाइन अर्ज करण्याची मुदत ७ मार्च तर, इमाव, विजाभज व विमाप्र प्रवर्गाच्या विद्यार्थ्यांसाठी ऑनलाईन अर्ज करण्याची अंतिम मुदत ३१ मार्च २०२२ पर्यंत वाढविण्यात आली आहे. जिल्ह्यातील कनिष्ठ व वरिष्ठ महाविद्यालयांनी आपल्या महविद्यालयातील मागासवर्गीय विदयार्थी अर्ज भरण्यापासुन वंचित राहणार नाही, याची दक्षता घेण्याची जबाबदारी प्राचार्य यांची राहील याची नोंद घ्यावी. तरी https://mahadbtmahait.gov.in या संकेतस्थळावर ऑनलाईन अर्ज भरण्याचे आवाहन सहाय्यक आयुक्त डॉ. अनिता राठोड यांनी केले आहे.
No comments:
Post a Comment