"कोळसेवाडी पोलीस स्टेशन" हदद्दीत दहशत पसरविणारा अट्टल गुन्हेगारावर एम.पी.डी.ए. कायदयान्वये स्थानबध्दतेची कारवाई !!
कल्याण, हेमंत रोकडे : कोळसेवाडी पोलीस ठाणे हद्दीतील सुप्रसिध्द गुंड आशिष प्रेमचंद पांडे वय २३ वर्षे रा. गायकवाड नगर चाळ नं. ०१ रुम नं. ३ कैलासनगर कल्याण पुर्व जिल्हा ठाणे याचेवर जिवे ठार मारण्याचा प्रयत्न गैरकायदयाची मंडळी जमवून दंगा करणे, दमदाटी करणे, गंभीर दुखापत करणे, दुखापत करणे, ई. शरीरा विरूध्द व मालमत्ते विरूध्द गंभीर स्वरूपाचे एकुण ७ गुन्हे विठ्ठलवाडी, कोळसेवाडी पोलीस स्टेशन येथे दाखल असल्याने त्याचेविरूध्द एम.पी.डी.ए. कायदयान्वये स्थानबध्दतेची कारवाई करून त्यास दि. १०/०३/२०२२ रोजी येरवडा मध्यवर्ती कारागृह, पुणे येथे १ वर्षाकरिता स्थानबध्द करण्यात आले आहे.
प्राप्त प्रस्ताव व सहकागदपत्रांची पडताळणी करून जय जीत सिंह, पोलीस आयुक्त, ठाणे शहर यांनी दिलेल्या सुचनांप्रमाणे, सह पोलीस आयुक्त, अपर पोलीस आयुक्त, गुन्हे, पोलीस उप आयुक्त गुन्हे, पोलीस उप आयुक्त परिमंडळ - ३ यांचे प्रत्यक्ष मार्गदर्शनाखाली वरिष्ठ पोलीस निरीक्षक कोळसेवाडी पोलीस स्टेशन, कल्याण यांनी प्रस्ताव सादर करून व वरिष्ठ पोलीस निरीक्षक एमपीडीए कक्ष, ठाणे शहर यांनी स्थानबध्दतेची कारवाई केलेली आहे. पोलीस आयुक्त ठाणे शहर यांनी दहशत निर्माण करणा-या व सक्रीय अट्टल गुन्हेगारांवर कडक प्रतिबंधक कारवाई करण्याचे धोरण अवलंबिले असल्याने त्यानुसार सराईत व अट्टल गुन्हेगारांचे कृत्यांना आळा घालण्यासाठी त्यांचेवर एमपीडीए कायदयान्वये स्थानबध्द करण्याची कारवाई यापुढे देखील करण्यात येणार आहे.
No comments:
Post a Comment