सिद्धी महिला कल्याणकारी संस्थेच्या अध्यक्षा स्मिता कवडे यांचा ज्येष्ठ नागरिकांच्या सदृढ आरोग्यासाठी अभिनव उपक्रम - विनोद कांबळे (चिफ ब्युरो, मुंबई)

सिद्धी महिला कल्याणकारी संस्थेच्या अध्यक्षा स्मिता कवडे यांचा ज्येष्ठ नागरिकांच्या सदृढ आरोग्यासाठी अभिनव उपक्रम - विनोद कांबळे (चिफ ब्युरो, मुंबई) 

मुंबई, दि.३० : सिद्धी महिला कल्याणकारी संस्थेतर्फे दिनांक आज नामांकित युनिकेअर हेल्थ केअर सेंटर टीमच्या समवेत प्रभात मित्र मंडळाने छत्रपती संभाजी उद्यान कन्नमवार नगर क्र १ विक्रोळी येथे आरोग्य शिबिराचे आयोजन करण्यात आले. सदर आरोग्य तपासणी शिबिर ज्येष्ठ नागरिक व घरकाम करणाऱ्या महिलांकरिता आयोजित करण्यात आले होते.‌ 

ज्येष्ठ नागरिक शरद राऊत यांच्या ८६ वा वाढदिवसाचे निमित्त साधून आरोग्य तपासणी शिबिराचे आयोजन करण्यात आले होते. यावेळी दिशा वेल्फेअर ग्रुप संस्थेचे दिनेश बैरीशेट्टी व त्यांचे इत्तर सहकारी यांनी उपस्थित राहून उत्तम सहकार्य केले केले आहे. त्याचप्रमाणे प्रभात मित्र मंडळ यांनी आरोग्य तपासणी शिबिरासाठी व्यवस्था करून छान सहकार्य केले आहे. तर प्रभात मित्र मंडळाचे अध्यक्ष आयुष्यमान सरनोबत यांची उपस्थिती सुद्धा कार्यक्रम प्रसंगी महत्वपूर्ण होती. त्याचप्रमाणे सरनोबत यांनी आरोग्य चिकित्सा शिबिरात असणारे चिकित्सक तसेच नितीन पाये व त्यांचे सहकारी यांना सिद्धी महिला कल्याणकारी संस्थेच्या अध्यक्षा स्मिता कवडे या सर्वांचे त्यांनी पुष्पगुच्छ देऊन स्वागत केले. 

विक्रोळीतील शांतीवन येथील जयश्री खिलारे यांनीही या आरोग्य चिकित्सा शिबिरास उपस्थित होत्या. सुमारे १०० ज्येष्ठ नागरिक व घरकामगार महिलांनी या आरोग्य शिबिराचा लाभ घेतला आहे. नमुद आरोग्य शिबिरामध्ये संधिवात, नेत्र चिकित्सा,सांधेदुखी ,गुडघा दुखी,वांग्या अश्या अनेक विकारांवरती निःशुलका सल्ला तसेच औषधे वितरण सकाळी नऊ वाजल्यापासून ते दुपारी एक वाजेपर्यंत करून आरोग्य शिबिराची सांगत करण्यात आली आहे.