कृषिमंत्री अब्दुल सत्तार यांच्या अध्यक्षतेखाली मराठवाडा विभागातील आठही जिल्ह्यांतील खरीप नियोजनाची आढावा बैठक संपन्न !

कृषिमंत्री अब्दुल सत्तार यांच्या अध्यक्षतेखाली मराठवाडा विभागातील आठही जिल्ह्यांतील खरीप नियोजनाची आढावा बैठक संपन्न !

औरंगाबाद, अखलाख देशमुख, दि ३० : जिल्हाधिकारी कार्यालयात कृषिमंत्री अब्दुल सत्तार यांच्या अध्यक्षतेखाली मराठवाडा विभागातील आठही जिल्ह्यांतील खरीप नियोजनाची आढावा बैठक पार पडली. 

   कृषी विभागाचे प्रधान सचिव एकनाथ डवले, कृषि आयुक्त सुनील चव्हाण, कुलगुरू डॉ. इंद्र मणी मिश्रा, जिल्हाधिकारी अस्तिककुमार पाण्डेय, जिल्हा परिषदेचे मुख्य कार्यकारी अधिकारी विकास मीना, महाबीजचे व्यवस्थापकीय संचालक सचिन कलंत्रे, नियोजन संचालक सुभाष नागरे, फलोत्पादन संचालक कैलास मोते, गुणनियंत्रण संचालक विकास पाटील, विस्तार संचालक दिलीप झेंडे, आत्मा संचालक दशरथ तांबाळे, विभागीय कृषि सहसंचालक डॉ. डी. एल. जाधव, लातूरचे कृषि सहसंचालक साहेबराव दिवेकर तसेच मराठवाडा विभागातील आठही जिल्ह्यांचे जिल्हाधिकारी, मुख्य कार्यकारी अधिकारी, जिल्हा अधीक्षक कृषि अधिकारी आदी उपस्थित होते.

 

  आगामी खरीप हंगामात बियाणे, खते, किटकनाशके आदी निविष्ठा सर्वत्र उपलब्ध राहतील यादृष्टिने काटेकोर नियोजन करावे, तसेच गुणनियंत्रण विभागाने दक्ष राहून बोगस बियाणे, खतांची विक्री होणार नाही याबाबतची दक्षता घ्यावी, असे निर्देश कृषि मंत्री अब्दुल सत्तार यांनी आढावा बैठकीत दिले. सद्यस्थितीत सुरू असलेल्या अवकाळी पावसामुळे झालेल्या नुकसानीचे अचूक पंचनामे करुन तातडीने शासनास अहवाल सादर करावा अशा सूचनाही त्यांनी दिल्या.