प्रा.श्री.कमलाकर मोरे यांची निसर्ग व सामाजिक पर्यावरण प्रदूषण निवारण मंडळ, महाराष्ट्र राज्याच्या मुंबई जिल्हाध्यक्ष पदी नियुक्ती !

प्रा.श्री.कमलाकर मोरे यांची निसर्ग व सामाजिक पर्यावरण प्रदूषण निवारण मंडळ, महाराष्ट्र राज्याच्या मुंबई जिल्हाध्यक्ष पदी नियुक्ती !

मुंबई, (शांताराम गुडेकर) :

          वृक्षमित्र स्वर्गीय आबासाहेब राजाराम मोरे यांनी स्थापन केलेल्या  निसर्ग व सामाजिक पर्यावरण प्रदूषण निवारण मंडळ, महाराष्ट्र राज्य (N.G O) मंडळाचे राज्याध्यक्ष मा.श्री.प्रमोददादा सुभाष मोरे यांच्या मार्गदर्शनाखाली कार्यरत असलेल्या निसर्ग व सामाजिक पर्यावरण प्रदूषण निवारण मंडळ, महाराष्ट्र राज्य (N.G.O) च्या मुंबई जिल्ह्यामध्ये पर्यावरणाचा समतोल साधण्याच्या दृष्टीने पर्यावरण संरक्षण, संवर्धन, शिक्षण, संशोधन, वृक्षारोपण आणि तत्संबंधीची जनजागृती, तसेच या क्षेत्रात केलेल्या उत्कृष्ट कार्याबद्दल मंडळाचे राज्याध्यक्ष मान. श्री. प्रमोद दादा मोरे यांनी प्रा.श्री. कमलाकर मोरे यांची मुंबई जिल्हाध्यक्ष पदी नियुक्ती केली आहे.

             प्रा.श्री.मोरे सर यांचे राज्यस्तरीय व जिल्हास्तरीय काम, निसर्ग व सामाजिक पर्यावरण प्रदूषण निवारण मंडळाला सातत्याने केलेले सहकार्य तसेच महाराष्ट्र राज्यातील पर्यावरण संतुलन आणि संवर्धनाबाबत दिलेले योगदान शिवाय वाढत्या जंगलतोडी विरुद्ध उठवलेला आवाज, जंगलतोड रोखण्यासाठी युट्युब, फेसबुक तसेच वर्तमानपत्रातून समाजात केलेले आवाहन विद्यार्थी व तरूणांमध्ये केलेली पर्यावरण संबंधीची जागृती इ. योगदान लक्षात घेऊन "मुंबई जिल्हाध्यक्ष पदी "२०२३-२६ या कालावधीसाठी नियुक्ती केली आहे. प्रा.श्री. कमलाकर मोरे यांना राज्याध्यक्ष मा.श्री. प्रमोददादा मोरे ( निसर्ग व सामाजिक पर्यावरण प्रदूषण निवारण मंडळ, महाराष्ट्र राज्य (N.G O ) यांनी तत्संबंधीचे नियुक्ती पत्र प्रदान केले आहे.