समाजसेवक कृष्णा कदम यांचा हभप विठोबाआण्णा मालुसरे स्मृती सन्मान पुरस्काराने गौरव !!
मुंबई, (शांताराम गुडेकर) :
स्वातंत्र्यसेनानी आणि तत्कालीन कुलाबा जिल्हा कृषी सभापती वै. हभप विठोबाआण्णा मालुसरे यांच्या जन्मशताब्दी वर्षानिमित्त यंदाचा हभप विठोबाआण्णा मालुसरे स्मृती पुरस्कार वैद्यकीय मदत कक्षाचे अध्यक्ष कृष्णा मारुती कदम याना देऊन सन्मानित करण्यात आले. यामध्ये सुभाष जाधव, महेश मालुसरे, निलेश कोलसकर, गोविंद चोरगे आदि विविध क्षेत्रातील मान्यवर देखील या पुरस्काराने गौरविण्यात आल्याचे मालुसरे बंधू ऐक्यवर्धक मंडळाच्या पदाधिकाऱ्यांनी सांगितले.
वैद्यकीय मदत कक्षाचे अध्यक्ष कृष्णा कदम यांचे वैद्यकीय क्षेत्रात मोठे कार्य सुरू असून मुंबई गोवा महामार्गावर जोवर सुसज्ज रुग्णालय बनत नाही तोवर या कक्षाच्या माध्यमातून रुग्णांना उपचारासाठी मुंबईत विविध रुग्णालयात मदतीचे कार्य सुरू राहणार असल्याचे त्यांनी कक्ष स्थापनेपूर्वीच जाहीर केले होते. गेली तीन वर्षं सातत्याने कदम यांनी त्यांच्या विविध टीमसह मदत मिळवून दिली आहे. दिव्याग व्यक्तींना व्हीलचेअर तसेच ६० पेक्षा अधिक महिला व पुरुषांचे मोतीबिंदू चे उपचार मोफत केले आहे.त्यांच्या या कामगिरी बाबत रायगड, मुंबईतून विविध संस्थांच्या वतीने पुरस्कार देऊन सन्मानित करण्यात आलेले आहे.
No comments:
Post a Comment