आंगवली लाखणवाडीतील चंद्रकांत गुडेकर यांचे मुंबई येथे निधन !!

आंगवली लाखणवाडीतील चंद्रकांत गुडेकर यांचे मुंबई येथे निधन !!

लाखणवाडीतील चैतन्य युवा मंडळाचा हरहुन्नरी कार्यकर्ता हरपला

मुंबई (शांताराम गुडेकर) 

          रत्नागिरी जिल्ह्यातील संगमेश्वर तालुक्यामधील मु.पो. आंगवली (लाखणवाडी) येथील मूळ रहिवासी मुंबईस्थित सेवानिवृत्त चाकरमानी व लाखणवाडीतील चैतन्य युवा मंडळाचे हरहुन्नरी कार्यकर्ते चंद्रकांत जयराम गुडेकर (वय-५९वर्ष) यांचे आज गुरूवारी पहाटे ३ वाजण्याच्या सुमारास मुंबई बोरिवलीतील खाजगी रूग्णालयात उपचारादरम्यान दुःखद निधन झाले आहे. चंद्रकांत गुडेकर हे शांत, प्रेमळ व मनमिळाऊ स्वभावाचे होते.६ महिन्यांपुर्वी ते मुंबई महानगरपालीकेतून सेवानिवृत्त झाले होते. मुंबई येथे नोकरीनिमित्ताने ते वास्तव्यास होते परंतु आपल्या गावी येण्याची ओढ त्यांना स्वस्त बसू देत नव्हती. सणवाराला ते न चुकता आंगवली गावी येत असत. त्यांनी साडवली येथील एमआयडीसीजवळ जागा घेऊन टुमदार बंगला बांधला होता. मात्र या बंगल्यात आपल्या कुटुंबासमवेत राहण्याचे त्यांचे स्वप्न अधुरेच राहिले आहे. गेले सहा महिने ते आजारी होते. सध्या त्यांच्यावर बोरीवलीतील एका खाजगी हाँस्पीटलमध्ये उपचार सुरू होते. मात्र आज गुरूवारी पहाटे ३ वा. उपचारादरम्यान त्यांची प्राणज्योत मालवली. त्यांच्या निधनाची बातमी आंगवली गावात समजताच अनेकांनी हळहळ व्यक्त केली. त्यांच्या निधनाने लाखणवाडीवर शोककळा पसरली आहे.त्यांच्या निधनाने गुडेकर कुटुंबावर दुःखाचा डोंगर कोसळला आहे. चंद्रकांत गुडेकर यांच्या पार्थिवावर कांदीवली येथे सकाळी १० वा.अंत्यसंस्कार करण्यात आले. यावेळी लाखणवाडीतील चैतन्य युवा मंडळाचे पदाधिकारी व कार्यकर्ते उपस्थित होते. त्यांच्या पश्चात आई, पत्नी, दोन मुलगे, तीन भाऊ, तीन बहिणी, भावजयी, मेव्हुणे असा परिवार आहे. आंगवली गावातील ग्रामीण /मुंबई मधील अनेकांनी चंद्रकांत जयराम गुडेकर यांना भावपुर्ण श्रद्धांजली अर्पण केली आहे.