स्वराज अभियान अध्यक्ष धनंजय गावडे यांच्या वाढदिवसानिमित्त अभिष्टचिंतन करण्यासाठी चाहत्यांची गर्दी....

स्वराज अभियान अध्यक्ष धनंजय गावडे यांच्या वाढदिवसानिमित्त अभिष्टचिंतन करण्यासाठी चाहत्यांची गर्दी....

**स्वराज अभियान सदस्य नोंदनीचा शुभारंभ

नालासोपारा :- समाजकारण हेच ध्येय समोर ठेऊन मा.नगरसेवक धनंजय गावडे यांनी आजपर्यंत वाटचाल केली. आतापर्यंत समाजकार्याला महत्त्व दिल्यानेच आज वाढदिवशी शुभेच्छा देण्यासाठी जनसागर लोटला होता.

राजकीय, सामाजिक, आर्थिक, उद्योग, कला, क्रीडा, शिक्षण, साहित्य, बांधकाम व्यापार या क्षेत्रांतील मंडळींनी धनंजय गावडे यांना शुभेच्छा देण्यासाठी गर्दी केली होती. विविध राजकीय पक्षाचे पदाधिकारी संस्था-संघटनांचे पदाधिकारी, प्रतिनिधी तसेच जुन्या जाणत्यांबरोबरच तरुण आणि महिलांच्या उपस्थितीने एक रंगबिरंगी आनंदनगरीच निर्माण झालेली बघावयास मिळाली. धनंजय गावडे  यांच्याप्रती असलेली सद्भावना, लोकप्रतिनिधी म्हणून त्यांनी केलेल्या कामांची आठवण ही पदोपदी ताजी होत होती.

धनंजय गावडे यांनी सुहास्य वदनाने सर्वांच्या शुभेच्छांचा स्वीकार केला. पक्ष, जात-धर्मविरहित जनसमुदायाचा हा जणू स्नेहमेळावाच ठरला. धनंजय गावडे  हे सर्वांशी अत्यंत आपुलकीने संवाद साधत होते. यानिमित्ताने एक वेगळेच चैतन्य निर्माण झाले होते. रात्री १० वाजेनंतरही उशिरापर्यंत शुभेच्छांचा वर्षाव चालूच राहिला. मनामनात शुभेच्छा घेऊन लोंढेच्या लोंढे ‘ वाढदिवसाच्या  दिशेने धावत होते. 

वाढदिवसानिमित्ताने शहरातील अनेक राजकीय दिग्गज दाखल झाले होते. त्यांनी वाढदिवसानिमित्त धनंजय गावडे  यांना आठवणीने शुभेच्छा दिल्या. शुभेच्छा देण्यासाठी सकाळपासूनच त्यांचा मोबाइल खणखणत राहिला. सोशल मिडीयावरही शुभेच्छांची धुम राहिली. फेसबुक वॉट्स अप ग्रुप सर्व ठिकाणी शुभेच्छा दिलेली छायाचित्रे झळकत होती.

विविध ठिकाणी वाढदिवसानिमित्त कार्यक्रमाचे आयोजन करण्यात आले होते. ज्येष्ठ लेखक साहित्यिक व चळवळीचे नेते सायमन मार्टिन यांच्या शुभहस्ते स्वराज अभियानच्या सदस्य नोंदणी चा शुभारंभ करण्यात आला.