नालासोपारात स्वराज अभियान चा गुणवंत विद्यार्थी गुणगौरव सोहळा संपन्न....
नालासोपारा, प्रतिनिधी :- दहावी, बारावी परीक्षेत नेत्र दीपक यश संपादन केलेल्या गुणवंत विद्यार्थ्यांचा सत्कार सोहळा नालासोपारातील समेळगाव येथे स्वराज अभियान अध्यक्ष धनंजय गावडे यांच्या वतिने रविवारी मोठ्या उत्साहात संपन्न झाला.
प्रत्येक विद्यार्थ्याच्या शैक्षणिक आयुष्यामधिल दहावीचे वर्ष हे महत्वाचे वर्ष असते. आयुष्याचा टर्निंग पॉईंट कडे जाणारा मार्ग याच यशातुन मिळत असतो. नालासोपारा मधिल ज्या विद्यार्थ्यानी दहावी व बारावी मध्ये उत्तम प्रकारे गुण मिळवत आपला नावलौकिक व गुणगौरव वाढवलेला आहे. अशा सर्व विद्यार्थ्यांचा यावेळी सत्कार सन्मान करून सन्मानचिन्ह,व प्रमाणपत्र देण्यात आले.
मानवी जीवनात शिक्षणाला खूप महत्व असून ते मिळविण्यासाठी विद्यार्थ्यांनी ताकदीने उभे राहून जिद्दीने अभ्यास करावा, उद्याचा दिवस सोन्याचा करायचा असेल तर आजच कष्ट करा, असे आवाहन रूचिता नाईक यांनी केले.
नालासोपारातील विद्यार्थ्यांनी मिळवलेले दैदिप्यमान यश कौतुकास्पद आहे. तुमच्या पाठीवर कौतुकाची थाप पडावी तुम्हाला प्रोत्साहन मिळावे म्हणूनच हा गुणवंत विद्यार्थी गुणगौरव सोहळा स्वराज अभियान अध्यक्ष धनंजय गावडे यांच्या माध्यमातून राबविण्यात आला. यावेळी शिवसेना महिला शहरप्रमुख रूचिता नाईक, सुषमा ब्रीद, युवा शहरप्रमुख समीर गोलांबडे, विभागप्रमुख स्मिता वैद्य, शाखा संघटक वंदना ढगे, उपशाखा संघटक हेमलता वैती तसेच विद्यार्थी पालक मोठ्या संख्येने उपस्थित होते.
No comments:
Post a Comment