मुरबाड कृषी उत्पन्न बाजार समितीच्या सभापती पदी दिपक खाटेघरे यांची निवड !!

मुरबाड कृषी उत्पन्न बाजार समितीच्या सभापती पदी दिपक खाटेघरे यांची  निवड !!

मुरबाड, ( मंगल डोंगरे ) :-  आज झालेल्या मुरबाड कृषी उत्पन्न बाजार समितीच्या सभापती पदाच्या निवडणुकीत मुरबाड पंचायत समितीचे माजी उपसभापती दिपक खाटेघरे यांची बिनविरोध सभापती म्हणुन निवड झाली आहे.

             बाजार समितीचे माजी सभापती बाळकृष चौधरी यांनी राजीनामा दिल्याने सभापती पद रिक्त होते.त्या रिक्त असलेल्या जागेची आज निवड प्रक्रिया पूर्ण करण्यासाठी निवडणूक निर्णय अधिकारी म्हणून सहाय्यक निबंधक सहकारी संस्था मुरबाड श्री.सुजय पोटे यांनी कामकाज पाहिले. प्रक्रिया सुरू झाली तेव्हा श्री. दिपक खाटघरे यांचा एकमेव उमेदवारी अर्ज दाखल करण्यात आला होता. दुसरा अर्ज दाखल नसल्याने दिपक खाटघरे यांची बिनविरोध निवड जाहीर करण्यात आली. यावेळी  ठाणे जी. प. चे माजी उपाध्यक्ष सुभाष पवार यांनी त्यांचे पुष्प गुच्छ देऊन स्वागत करून पुढील कार्यास शुभेच्छा दिल्या. यावेळी बाजार समितीचे संचालक तसेच हितचिंतक मोठ्या संख्येने शुभेच्छा देण्या साठी उपस्थित होते.