न्हावा शेवातून १३२ कंटेनर्स जप्त ; चुकीची माहिती देत केली दिशाभूल !!

न्हावा शेवातून १३२ कंटेनर्स जप्त ; चुकीची माहिती देत केली दिशाभूल !!

उरण दि २१, (विठ्ठल ममताबादे) ::उरण तालुक्यात अनेकदा अवैध मार्गाने व चुकीची माहिती देऊन परदेशातून विविध मालाची, वस्तूची आयात केल्याचे निदर्शनास आले आहे. पुन्हा एकदा या बाबीवर शिक्का मोर्तब झाले आहे.तस्करीविरोधातील एका मोठ्या मोहिमेत, महसूल गुप्तचर संचालनालयाने (डीआरआय) न्हावा शेवा बंदरावर १३९ कोटी रुपयांच्या चुकीची माहिती दिलेल्या मालाने भरलेले १३२ कंटेनर्स जप्त केले आहेत. या रॅकेटशी संबंधित मुख्य आरोपींनाही अटक करण्यात आली आहे. डीआरआय अधिकाऱ्यांनी सुमारे ३,०२९ मेट्रिक टन माल असलेले कंटेनर्स जप्त केले; या मालाची नोंद खोट्या पद्धतीने 'तूर डाळ' म्हणून करण्यात आली होती. सखोल तपासानंतर असे उघड झाले की, या साठ्यांमध्ये प्रत्यक्षात टांझानिया आणि सुदानमधून आयात केलेल्या २,७१० मेट्रिक टन कलिंगडाच्या बिया आणि कॅनडाकडून मिळवलेल्या ३१९ मेट्रिक टन हिरव्या वाटाण्यांचा समावेश होता. अधिकाऱ्यांनी दिलेल्या माहितीनुसार, सरकारने लादलेल्या कडक आयात निर्बंधांना बगल देण्याच्या विशिष्ट उद्देशाने ही चुकीची माहिती देण्यात आली होती.उरण तालुक्यात न्हावा शेवा बंदर विभागात अवैध वाहतूक, अवैध साहित्य, अवैध व बेकायदेशीर माल, वस्तूची मोठया प्रमाणात कंटेनर मधून वाहतूक होत असून पुन्हा एकदा उरण मध्ये या घटनेमुळे कायदा व सुव्यवस्थेचा प्रश्न निर्माण झाला आहे