मुख्यमंत्री फेलोशिप कार्यक्रम २०२५-२६ जाहीर !

मुख्यमंत्री फेलोशिप कार्यक्रम २०२५-२६ जाहीर !

**तरुणांना प्रशासनासोबत काम करण्याची संधी, साठ फेलोंची निवड करण्यात येणार

पुणे, प्रतिनिधी : राज्यातील तरुणांना प्रशासनासोबत काम करण्याचा अनुभव मिळावा व त्या सोबतच त्यांच्या ज्ञानाच्या, अनुभवाच्या कक्षा रुंदावण्यास मदत व्हावी. तरुणांमधील कल्पकता व वेगळा विचार मांडण्याची क्षमता, उत्साह, तंत्रज्ञानाची आवड यांचा उपयोग प्रशासनास व्हावा आणि या माध्यमातून प्रशासकीय प्रक्रियांमध्ये गतिमानता यावी यासाठी मुख्यमंत्री देवेंद्र फडणवीस यांच्या संकल्पनेतील "मुख्यमंत्री फेलोशिप कार्यक्रम" २०२५-२६ जाहीर करण्यात आला आहे. त्यानुसार या कार्यक्रमात ६० फेलोंची निवड करण्यात येणार आहे.

फेलोंच्या निवडी संदर्भातील निकष, नियुक्ती संदर्भातील अटी व शर्ती तसेच शैक्षणिक संस्थांमार्फत राबविण्यात येणाऱ्या शैक्षणिक कार्यक्रमाची रूपरेषा व अंमलबजावणी बाबत शासन निर्णय महाराष्ट्र शासनाच्या संकेतस्थळावर उपलब्ध करून देण्यात आला आहे.

मुख्यमंत्री देवेंद्र फडणवीस यांच्या पहिल्या मुख्यमंत्री पदाच्या कारकीर्दीत हा कार्यक्रम सुरू करण्यात आला व यशस्वीपणे राबविण्यात आला. त्यानंतर २०२३-२४ या कालावधीतील  कार्यक्रम यशस्वीपणे राबविल्या नंतर आता २०२५-२६ साठी हा कार्यक्रम जाहीर करण्यात आला आहे. 

या कार्यक्रमाची अंमलबजावणी नियोजन विभागाच्या अर्थ व सांख्यिकी संचालनालय यांच्यामार्फत केली जाईल. 

फेलोंच्या निवडीचे निकष** :- अर्जदार भारताचा नागरिक असावा. शैक्षणिक अर्हता : कोणत्याही शाखेतील पदवीधर (किमान ६०% गुण आवश्यक) असावा. 

अनुभव : किमान १ वर्षाचा पूर्णवेळ कामाचा अनुभव आवश्यक राहील. तसेच, व्यावसायिक अभ्यासक्रमाच्या विद्यार्थ्यांसाठी त्यांच्या अभ्यासक्रमाचा भाग म्हणून पूर्णवेळ इंटर्नशिप / अप्रेंटीसशिप /आर्टीकलशिपसह १ वर्षाचा अनुभव आवश्यक राहील. पूर्णवेळ स्वयंरोजगार, स्वयंउद्योजकतेचा अनुभवही ग्राह्य धरण्यात येईल. अर्जदारास तसे स्वयंघोषणापत्र सादर करावे लागेल. 

भाषा व संगणक ज्ञान: मराठी भाषा लिहिता, वाचता व बोलता येणे आवश्यक राहील. हिंदी व इंग्रजी भाषेचे पुरेसे ज्ञान असणे आवश्यक राहील. तसेच, संगणक हाताळणी आणि इंटरनेटचे ज्ञान आवश्यक राहील. 

वयोमर्यादा :- उमेदवाराचे वय अर्ज सादर करावयाच्या अंतिम दिनांकास किमान २१ वर्षे व कमाल २६ वर्षे असावे. 

अर्थ व सांख्यिकी संचालनालयाद्वारे विहीत केलेल्या ऑनलाईन ॲप्लिकेशन प्रणालिद्वारे उमेदवाराने अर्ज करावयाचा असून अर्जाकरिता शुल्कः- रुपये ५००/- आहे

प्रदीर्घ काळानंतर पुन्हा एकदा प्रा. वसंत कानेटकर लिखित "इथे ओशाळला मृत्यू रंगमंचावर" !!

प्रदीर्घ काळानंतर पुन्हा एकदा प्रा. वसंत कानेटकर लिखित "इथे ओशाळला मृत्यू रंगमंचावर" !!

दादरच्या छ. शिवाजी महाराज नाट्यमंदिर येथे नाट्यप्रयोगाचे आयोजन....

मुंबई - ( दिपक कारकर ) 

          धर्मवीर छत्रपती संभाजी महाराज म्हणजे सह्याद्रीच्या सिंहाचा म्हणजेच छत्रपती शिवाजी महाराजांचा त्यांच्याएवढाच तेजस्वी, पराक्रमी छावा होय.

          छत्रपती शिवाजी महाराजांच्या निधनानंतर औरंगजेबासारख्या बलाढ्य शत्रूला सतत नऊ वर्षे यशस्वी झुंज देऊन नाकी नऊ आणणारे, धर्मासाठी आपल्या प्राणांचे बलिदान देणारे, शिवाजी महाराजांनी स्थापलेल्या स्वराज्याचे प्राणपणाने रक्षण करणारे स्वराज्यरक्षक, राजकारण धुरंदर, कोमल, संवेदनशील मनाचे कवी, संस्कृत, इंग्रजी, ब्रज, फारसी, अरबी, उर्दू अशा अनेक भाषा अवगत असणारे बुद्धीमत्ता प्रचुर, बुधभूषण सारखा संस्कृत भाषेतील वयाच्या अवघ्या चौदाव्या वर्षी आजच्या काळातही मार्गदर्शक ठरणारा ग्रंथ लिहिणारे तर नायिकाभेद, सातसतक, नखशिख हे ब्रज भाषेतील ग्रंथ लिहिणारे प्रतिभासंपन्न असे स्वराज्याचे द्वितीय छत्रपती म्हणजे छत्रपती संभाजी महाराज...

         अशा या तेजःपुंज राजाचा इतिहास प्रा वसंत कानेटकर यांनी आपल्या दर्जेदार लेखणीने अजरामर केला ' इथे ओशाळला मृत्यू ' ही नाट्यसंहिता लिहून !! पल्लेदार वैशिष्ट्यपूर्ण डायलॉग ही त्यांच्या लेखनशैलीची खासियत ! श्वासांच नियोजन चपखल न करता डायलॉग घेणं केवळ अशक्य...

          इथे ओशाळला मध्ये संभाजीमहाराजांचा औरंगजेबाबरोबरचा नऊ वर्षांचा संघर्ष अतिशय प्रभावीपणे मांडला गेलाय. त्याचबरोबर महाराणी येसूबाईंचे अनेक पैलू दर्शविणारे असं हे पहिलं आणि शेवटच नाटक अस म्हणायला हरकत नाही. जितकी प्रभावी लेखणी तितक्याच ताकदीने संभाजीराजे पहिल्यांदा उभे केले आणि रंगभूमी गाजवली असे अभिनय सम्राट डॉ काशिनाथ घाणेकर!! सत्तर च्या दशकात प्रत्येक शो हाऊसफुल करणारं हे अजरामर नाटक आता पुन्हा एकदा शिवगणेश प्रॉडक्शन्स च्या माध्यमातून प्रेक्षकांच्या भेटीला येतंय.

          दिग्दर्शक गणेश ठाकूर यांनी संभाजीराजांची भूमिका जिवंत करण्यामध्ये कोणतीही कसूर ठेवली नाही. प्रेक्षकांच्या हृदयाला आपल्या अभिनय कौशल्याने हात घालत प्रत्येकाचे मन त्यांनी काबीज केले. अस्खलित मराठीतून असलेले संवाद मनाला चारशे वर्षांपूर्वीच्या काळात घेऊन जातात. महाराणी येसूबाई आणि संभाजीराजे यांचे सर्व प्रसंग डोळ्यात अश्रू उभे करतात. औरंगजेबाची भूमिका  साकारणारे प्रभाकर पणशीकर आजही जुन्या प्रेक्षकांच्या स्मरणात आहेत. डॉ काशिनाथ घाणेकर व प्रभाकर पणशीकर यांनी या भूमिका एका वेगळ्याच उंचीवर नेल्या होत्या, त्याचीच आठवण गणेश ठाकूर व औरंगजेब भूमिका साकारणारे कृष्णा देसाई  प्रेक्षकांना करून देण्यात यशस्वी झाले आहेत. गणोजी शिर्के व कवी कलश या दुहेरी भूमिका लीलया पेलत प्रा. मिलिंद कासार रसिक मनाचा ठाव घेतात. त्याच बरोबर फक्रूद्दीन, असदखान या भुमिका  वठवणारे संदेश देसाई व अजिंक्य देसाई आपल्या लक्षवेधी अभिनयाने कौतुकास पात्र ठरतात. मल्होजीबाबा ही भूमिका मंदार जंगम यांनी अगदी बेमालूम साकारण्यात यश मिळवले आहे. संताजी, धनाजी या छोट्या भूमिकेतही आपली अभिनय चुणूक यशस्वीपणे दाखवली आहे. मुकर्रबखान ही भूमिका दीपक झोरे यांनी सहज साकारली आहेत. या नाटकाचे यशस्वी प्रयोग महाराष्ट्र, कर्नाटक, गोवा येथे साकारून आता सत्तरावा प्रयोग श्री शिवाजी मंदिर नाट्य मंदिर, दादर येथे गुरुवार दि.१० एप्रिल २०२५ रोजी सायं. ०७.३० वा. पार पडणार आहे. तब्बल ५० ते ५५ वर्षांनंतर रंगभूमीवर या प्रयोगाचे अतिशय सुरेख सादरीकरण ही प्रेक्षकांसाठी एक ऐतिहासिक मेजवानीच म्हणावी लागेल. नेपथ्य, वेशभूषा, प्रकाशयोजना, पार्श्वसंगीत या सर्वच बाजू अगदी उजव्या आहेत त्यामुळे हे नाटक एक वेगळी उंची गाठण्यात यशस्वी ठरतं. छत्रपती संभाजी महाराजांचा हा दैदिप्यमान पराक्रम आणि बलिदान आजच्या पिढीला माहिती करून देणं फार गरजेचं आहे आणि ते कार्य नाटक सारख्या अतिशय प्रभावि माध्यमाद्वारे शिवगणेश प्रॉडक्शन्स करत आहे...

           नुकत्याच संपन्न झालेल्या पुणे, सांगली दौऱ्यात या नाटकाला अभूतपूर्व यश मिळाले आहे. छावामय वातावरणात शंभूराजांचा धगधगता इतिहास आपल्या मायबोलीतून अनुभवण्याचा सुखद अनुभव पुन्हा एकदा नाट्यरसिक घेत आहेत. सदर प्रयोगाला मोठ्या संख्येने उपस्थित राहण्याचे आवाहन संयोजकांतर्फे करण्यात आले आहे. अधिक माहितीसाठी ९३२४४५९०२१/९७६९५१५६५९ भ्रमणध्वनी वरती संपर्क करावा.

उत्कर्ष महाविद्यालयात करिअर मार्गदर्शन संपन्न !

उत्कर्ष महाविद्यालयात करिअर मार्गदर्शन संपन्न !

विरार, पंकज चव्हाण : विरारच्या विष्णू वामन ठाकूर चॅरिटेबल ट्रस्ट संचालित कै. पांडुरंग रघुनाथ पाटील उत्कर्ष  कनिष्ठ महाविद्यालयात नुकताच गुरुवार दिनांक ३ एप्रिल २०२५ रोजी बारावी नंतर विवा महाविद्यालयात असणारे करिअर चे पर्याय ह्या विषयावर सेमिनार घेण्यात आला. ह्यासाठी प्रमुख मार्गदर्शक म्हणून विवा लॉ कॉलेजचे प्राचार्य ठाकूर जेठानी, विवा कॉलेज ऑफ हॉटेल मॅनेजमेंटचे प्राचार्य वैभव पाटील, बँकिंग आणि इन्शुरन्स विषय विभागप्रमुख डॉ. रोशनी नागर, विवा पदवी महाविद्यालयाच्या प्रा. सॅन्ड्रा आल्मेडा, डेटा सायन्स च्या विषय विभाग प्रमुख प्रा. श्वेता यंदे यांचे उत्तम मार्गदर्शन लाभले. ह्या सेमिनार साठी उत्कर्ष कनिष्ठ महाविद्यालयाच्या प्राचार्या सौ. मुग्धा लेले, उपप्राचार्य श्री. रमेश पाटील, उपप्राचार्या सौ. हेमा पाटील ह्यांनी करिअर सेमिनार ह्या कार्यक्रमाला शुभेच्छा देऊन हा कार्यक्रम सुरू करण्यात आला. 

ह्या कार्यक्रमाला कल्पना राऊत मॅडम ह्यांचे उत्तम मार्गदर्शन लाभले. ह्या करिअर सेमिनार चा लाभ उत्कर्ष कनिष्ठ महाविद्यालयाच्या अनेक विद्यार्थ्यांनी घेतला. सदर कार्यक्रमाचे आयोजन प्रा. ओल्गा डिमेलो ह्यांनी केले. आणि ह्यासाठी प्रा. योगेश चौधरी आणि प्रा. श्रद्धा पाटील ह्यांनी विशेष सहकार्य केले.

कल्याण -माळशेज आळेफाटा राष्ट्रीय महामार्गावर मोठमोठे खड्डे !!

कल्याण -माळशेज आळेफाटा राष्ट्रीय महामार्गावर मोठमोठे खड्डे !!

**आम्ही नगरकर संघटनेचा रास्ता रोको चा इशारा

NH 61 राष्ट्रीय महामार्ग आहे का नागरिकांचा प्रश्न ?

कल्याण, प्रतिनिधी - कल्याण माळशेज मार्ग आळेफाटा राष्ट्रीय रस्त्यावर ठिकठिकाणी मोठमोठे खड्डे पडले असून याबाबत प्रशासन व बांधकाम विभाग कधी लक्ष देईल असा प्रश्न नियमित भाजीपाला वाहतूक करणारे वाहनचालक,प्रवासी यांना पडला आहे.माळशेज पर्यटनाच्या फक्त चर्चाच होतात, वास्तविक पायभुत सुविधांच काय ?

NH 61 राष्ट्रीय महामार्ग असलेला हा रस्ता हा खरच राष्ट्रीय महामार्ग आहे का असा प्रश्न पडतो, पावसाळ्यात तर रस्त्याची परिस्थिती अधिकच खराब असते सध्या उन्हाळ्याची सुट्टी लागत आहे अनेक नागरिक हे आपल्या कुटुंबासह गावाला जात असतात परंतु रस्त्याची अवस्था बघितल्यावर एक प्रकारची चिड येते आहे.

भाजीपाला वाहनचालक व नागरीकांच्या तक्रार नुसार आम्ही नगरकर मुंबई संघ व स्फूर्ती फाउंडेशन वतीने संबंधित विभागाला हा रस्ता दुरूस्ती साठी लवकरच निवेदन देणार आहे, तसेच सदर रस्ता १५ दिवसांत व्यवस्थित व चांगल्या दर्जाचे मटेरियल वापरून दूरूस्ती न झाल्यास झाल्यास रास्ता रोको आंदोलन व नागरीकांच्या वर्गणीतून रेती,वाळू,डांबर खरेदी करून संबंधित रस्ते विभागाला रस्ता दूरूस्ती साठी देण्यात येईल  अशी माहिती स्फूर्ती फाउंडेशन अध्यक्ष व आम्ही नगरकर कार्याध्यक्ष बजरंग शांताराम तांगडकर, अध्यक्ष मंगेश शेळके, संचालक शांताराम झावरे, तानाजी करपे, हिरा आवारी, प्रशांत आहेर, रामनाथ भोजने यांनी दिली.

बी.एल.ओ. डयुटीवर नियुक्त आणि निवडणूक कार्यालयात कार्यरत अतिरिक्त शिक्षकांना उन्हाळयाची सुट्टी जाहीर करावी !

बी.एल.ओ. डयुटीवर नियुक्त आणि निवडणूक कार्यालयात कार्यरत अतिरिक्त शिक्षकांना उन्हाळयाची सुट्टी जाहीर करावी !

** श्री.तानाजी कांबळे, अध्यक्ष - महाराष्ट्र पुरोगामी शिक्षक संघटना यांची मा जिल्हाधिकाऱ्यांकडे मागणी

मुंबई शहर निवासी उपजिल्हाधिकारी श्रीमती. शिवनंदा लंगडापुरे यांना निवेदन देताना महाराष्ट्र पुरोगामी शिक्षक संघटना पदाधिकारी श्री.अमित कारंडे सर

मुंबई, (शांताराम गुडेकर) :

           राज्यातील सर्व शाळा आणि कनिष्ठ महाविद्यालयांना दिनांक ०२ मे २०२५ पासून १५ जून २०२५ पर्यंत उन्हाळयाची सुट्टी शासनाने जाहीर केली आहे. विद्यार्थी आणि शिक्षकांना सदरहू उन्हाळ्याची सुट्टी असणार आहे. शाळा आणि कनिष्ठ महाविद्यालयातील अनेक अतिरिक्त शिक्षक आणि शिक्षकेतर कर्मचारी निवडणूक कार्यालयात बी एल ओ पदावर कार्यरत आहेत. विदयार्थीसंख्येअभावी अतिरिक्त झाल्याने अनेक शिक्षक निवडणूक कार्यालयात बी. एल. ओ. तसेच इतर कार्यालयीन पदावर कामकाज करीत आहेत. आपण वेळोवेळी दिलेली जबाबदारी अत्यंत प्रामाणिकपणे अतिरिक्त शिक्षक बांधव पार पाडीत असल्याची माहिती संघटनेचे प्रसिद्धी प्रमुख श्री युवराज कलशेट्टी यांनी दिली.

             मे महिन्याच्या काळात शाळा व कनिष्ठ महाविद्यालयांना सुट्टया असल्याने अनेक शिक्षक आपल्या कुटुंबियांसोबत मूळगावी जात असतात. काही कौंटुंबिक कार्यक्रमांचे नियोजन ही याच सुट्टीच्या कालावधीत केले जाते. शाळा आणि कनिष्ठ महाविद्यालयांतील शिक्षकांना उन्हाळ्याची सुट्टी - जाहीर करण्यात आली आहे. मात्र निवडणूक कार्यालयात बी एल ओ आणि इतर पदांवर कार्यरत अतिरिक्त शिक्षकांना निवडणूक कार्यालयाने उन्हाळयाची सुट्टी जाहीर केलेली नाही. निवडणूक कार्यालयात कार्यरत अतिरिक्त शिक्षकांना /बी एल ओ डयुटीवर नियुक्त शिक्षकांना उन्हाळ्याची सुट्टी देण्यात यावी आणि मा. मतदान नोंदणी अधिकारी १५२ ते १८७ विधानसभा मतदारसं यांना कार्यवाही करणेबाबत सूचित करण्यात यावे अशी मागणी संघटनेचे अध्यक्ष श्री तानाजी कांबळे यांनी केली आहे. याबाबत मागणी निवेदन मा. मुख्य निवडणूक अधिकारी, मा. जिल्हाधिकारी मुंबई शहर जिल्हा मा. जिल्हाधिकारी मुंबई उपनगर जिल्हा, मा. उपजिल्हा निवडणूक अधिकारी मुंबई शहर आणि मुंबई उपनगर जिल्हा यांना पाठविण्यात आले.

सस्नेह नमस्कार ; घेताय का ? चहा / कॉपी _

सस्नेह नमस्कार ; घेताय का ? चहा / कॉपी _

वाक्य वाचताना वाटल असेल नेमकं काय म्हणायचं ते ? खरंच मला काहीतरी बोलायचं आहे. आज आपण २१ व्या शतकात जगत असलो तरी त्याच्या चहा आणि कॉपीशी संबंध मोठया प्रमाणात आहे.  आज आपण थोडा वेळ घेतला तरी आपण चहा कॉपी घेण्यासाठी जातो व प्रसिद्ध असे आता वाक्य ही तयार झाले "वेळेला चहा कॉपी हवं" चहा म्हटल तर शरीरात येणारी सुस्ती घालवण्यासाठी पिली जाते. तर कॉपी हे आराम व निर्मळ वाटण्यासाठी पिलिजाते. पण मी ह्या चहा कॉपी विषय बोलत नाही तर मग ? येऊया मेन मुद्द्यावर.

भविष्य घडवित असताना किंवा समाजात किंवा जन्मजात आल्यापासून आपल्याला अनेक प्रश्नांना तोंड देत पुढे यायचं असतं त्यात आपण आपले शिक्षण पूर्ण करीत असताना काही विषयाचे मुद्दे उतारे नाही कळले तर आपण नेमके काय करतो तर पुस्तक वाचन किंवा नोटस काढत असतो. पण हेच नोट्स जेव्हा तुमची कॉपी होते तेव्हा काय वाटत ? 

भविष्याची परीक्षा देत असताना अनेकजण कोणाची ना कोणाची न कळत अनुकरण ( कॉपी ) करीत असतो. व ते लिहित किंवा तसेच करण्याचे प्रयत्न करीत असतो. मार्च महिना आला की, महाविद्यालयाच्या परीक्षा चालू होतात अनेक जन ज्या सोयी सुविधा किंवा जे वर्षभर समजले अभ्यास केला त्यातून तो आपले पेपर प्रामाणिक पणे लिहित असतो. पण यात अशी मज्जा आहे की, गाळलेल्या जागा भरा, जोड्या जुळवा प्रश्नाचे ( ना की, वर्गातील ) अशा प्रश्नासाठी वर्गातील कुजबुज मोठ्या प्रमाणात होत असतात त्यात शांतता एक आवाज देता होते पण पुन्हा देखील गुजबुज होत असते. कॉपी करावी तर कशी याचे अनेक उदाहरण कोणी रुमाल वर बारीक पेन्सिलचा वापर करून लिहिणे, उजव्या व डाव्या हाता पायावर लिहून आणणे व त्यावर फुल हाताचे टीशर्ट, शर्ट, घालून येणे. मोबाईल घेऊन बसणे, air brads वापरणे, स्मार्ट वॉच वापरणे, झेरॉक्स वाल्या कडून मिनी झेरॉक्स  काढून घेऊन बसणे, वहीचे पान फाडून त्यावर लिहून आणणे, टीशर्ट किंवा ड्रेसच्या आतील बाजूला स्टेपल करून कॉपी लावणे, बसण्याचे आसन ( बँचवर ) हलक्या पेन्सिल ने लिहणे, हॉलतिकीट मागील बाजू, सँडल, बूट, सॉक्स या मध्ये चिट्टी लावणे आता नवीन पद्धत म्हणजे कमर मध्ये खोचून चिट्टी लपवणे अशा अनेक विविध पद्धतीने कॉपी करून आपले भविष्य घडविण्यासाठी आजची पिढी मग्न आहेत. १०० टक्क्यांपेक्षा ७५ ते ८० टक्के विद्यार्थिनी ( मुली ) व २५ ते २० टक्के विद्यार्थी ( मूल ) कॉपी करून आपले पेपर परीक्षा देताना दिसतात.  मुलींची संख्या यात जास्त प्रमाणात दिसून येते. अनेक मुला मुलींशी यावर बोलो देखील कारण सारखे, अभ्यास नाही झाला, घरातील व्यक्ती आजारी, पेपरच तणाव, आयत्यावेळेस नोट्स, व वाचायला पुस्तक न मिळणे. अशा अनेक प्रसंगातून या कॉपीचे प्रमाण वाढतं असताना दिसत आहे. त्यात आता शिक्षण पद्धती मध्ये बदल झाल्यामुळे अधिक नुकसान ह्या विद्यार्थाचे होणार असल्याचे दिसून येते नवीन शिक्षण धोरण पद्धती मध्ये NEP पद्धत आल्यामुळे एकूण ११ विषयाची परीक्षा यंदा पासून देण्यासाठी सुरुवात झालेली आहे. शिक्षण पद्धतीत बदल झाल्यामुळे अनेक विद्यार्थी, शिक्षक, नाराज असल्याचे दिसते आम्ही आमचे मत मांडत असतो पण राजकीय नेत्यांनमुळे हा गोंधळ होऊन बसतो व जे करायचे नाही ते करावे लागत आहे. तरी सर्व महाविद्यालयातील शिक्षकांनी यावर योग्य ते तणाव मुक्त कार्यशाळा, अभ्यास वर्ग पूर्ण करणे, नोट्स वेळेत देणे व प्रत्येक मुला मुलीकडून सर्व अभ्यास पूर्ण करून घेऊन योग्य ते मार्गदर्शन करणे गरजेचे आहे.

विशेष लेख :

अजय भोसले

सामाजिक कार्यकर्ता 

८१०८९४९१०२.

दिनांक ०३ एप्रिल २०२५

मायेची सावली एक हात कर्तव्याचा या संस्थेतर्फे संचालक श्री.दौलत बेल्हेकर यांचा वाढदिवस साजरा !

मायेची सावली एक हात कर्तव्याचा या संस्थेतर्फे संचालक श्री.दौलत बेल्हेकर यांचा वाढदिवस साजरा !

मुंबई (शांताराम गुडेकर) :

    सामाजिक, आरोग्य आणि शैक्षणिक, पर्यावरण आदी क्षेत्रात कार्यरत असलेल्या शिवसेना उद्धव बाळासाहेब ठाकरे प्रणित मायेची सावली एक हात कर्तव्याचा या संस्थेतर्फे परिवारातील संचालक श्री.दौलत बेल्हेकर यांचा वाढदिवस साजरा करण्यात आला. 

     वाढदिवसाच्या निमित्त शुभेच्छा शिवभक्त संजय दत्तात्रय भालेराव तसेच मायेची सावली एक हात कर्तव्याचा पदाधिकारी शिवसैनिक संस्थापक अध्यक्ष यशवंत खोपकर, सचिव संदीप चांदिवडे, सल्लागार मेघा सावंत, कार्यालय प्रमुख वसंत घडशी, खजिनदार अक्षदा खोपकर, अपूर्वा ताई यांनी त्यांना मनःपूर्वक शुभेच्छा दिल्या. यावेळी संस्था पदाधिकारी, सदस्य आणि सभासद मोठ्या संख्येने उपस्थित होते.