वडाळ्यातील सिध्दीविनायक हौसिंग सो. एसआरए प्रकरणात विकासक जैन यांची माजी पदाधिकाऱ्यांना हाताशी धरून गुंडागर्दी !!

वडाळ्यातील सिध्दीविनायक हौसिंग सो. एसआरए प्रकरणात विकासक जैन यांची माजी पदाधिकाऱ्यांना हाताशी धरून गुंडागर्दी !!

"गृहनिर्माण मंत्र्यांनी घालावे लक्ष जनतेची मागणी अन्यथा आत्मदहनाचा इशारा !

मुंबई, प्रतिनिधी,: 

मुंबई येथील वडाळा परिसरातील गणेशनगर येथील भुखंड क्रमांक १९२, १९४, १९५ मधील १५३ झोपडी धारक यांच्या विकासासाठी सिध्दीविनायक हौसिंग सोसायटी स्थापन करुन एसआरए अंतर्गत ७ वर्षांपूर्वी स्थापन केली. या नंतर यांच्या विकासाकरिता आतापर्यंत तीन विकासक आले सुरवातीला १०० झोपड्या निष्कासित करून उर्वरित ५३ टाटा पॉवरच्या इलेक्ट्रीकल लाईन खाली असल्याने सदर झोपड्या न हटविता विकास करण्याचे योजिले होते. तसेच तीन ‌वर्षात ताबा देऊ असे आश्वासन दिले पण फक्त विकासक बदलले.

आता आलेले तिसरे विकासक जैन तसा कोणताही तात्त्विक विरोध नसताना व सध्याची परिस्थिती देशावर व जगावर आलेले कोरोनाचे संकट त्यात लॉकडाऊन त्यामुळे एकीकडे जिवाची भिती तर कामधंदे बंद असल्याने ओढावलेली गोरगरीब जनतेवर ओढावलेली बिकट परिस्थिती असा कोणताही सुज्ञ विचार न करता सध्या कोणताही अधिकार नसलेले संस्थेचे माजी पदाधिकारी व परिसरातील स्थानिक गुंड प्रवृत्तीच्या व्यक्ती यांच्याशी संगनमत करून ५३ झोपडी धारकांना कोणतेही लेखी स्वरूपात आश्र्वासन न देता, जबरदस्तीने खाली करण्यास दबाव टाकत आहे.

नागरिकांनी या विरुद्ध स्थानिक पोलीस स्टेशनला तक्रार दिलेल्या आहेत तरी सदर विकासक जैन याची पर्वा न करता दबाव वाढवित आहे. यावर नागरिकांनी माननीय मुख्यमंत्री उध्दव ठाकरे व गृहनिर्माण मंत्री जितेंद्र आव्हाड यांनी यात लक्ष देऊन मार्ग काढावा अन्यथा आत्मदहनाचा इशारा दिला आहे.