माणगाव येथे विविध विकासकामांचे भूमीपूजन व उद्घाटन पालकमंत्री आदिती तटकरे यांच्या हस्ते संपन्न !
बोरघर / माणगांव (विश्वास गायकवाड) : सुवर्ण जयंती नगरोत्थान महाअभियान (जिल्हास्तर), माणगाव नगरपंचायतकरिता नवीन नगरपंचायतींना नागरी सुविधा पुरविणे, रस्ते अनुदान नगरपंचायत फंड (पाणीपुरवठा) अंतर्गत कामे व १४ वा वित्त आयोग फंडातून मंजूर झालेल्या सुमारे ४ कोटी १३ लाख ८० हजार ७१५ रुपयांच्या विविध विकासकामांचे भूमीपूजन आज पालकमंत्री कु.आदिती तटकरे यांच्या हस्ते संपन्न झाले.
या कार्यक्रमास माणगाव नगराध्यक्षा योगिता चव्हाण, माजी नगराध्यक्ष आनंदशेठ यादव, उपनगराध्यक्ष दिलीप जाधव, माजी उपनगराध्यक्ष रत्नाकर उभारे, नगरसेवक जयंत बोडेरे, नितीन वाढवळ, नगरसेविका हर्षदा काळे, रिया उभारे, माधुरी मोरे यांच्यासह नगरपंचायतीचे कर्मचारी उपस्थित होते.
यावेळी माणगाव नगरपंचायत हद्दीतील वार्ड क्र.११ मधील विरेश्वर नगर निजामपूर रोड ते कुणबी भवन रस्ता तयार करणे, रोहेकर कॉम्प्लेक्स ते निजामपूर रस्ता तयार करणे, वार्ड क्र.४ मधील होळीचा माळ येथे उर्वरित पेव्हर ब्लॉक बसविणे, वार्ड क्र.१५ मधील रायगड जिल्हा परिषद शाळा खांदाड ते श्री.वाले यांच्या घरापर्यंतचा रस्ता काँक्रीट करणे, रस्ते अनुदान नगरपंचायत फंड (पाणीपुरवठा) अंतर्गत कामे फंडातून वार्ड क्र.१२ नाणोरे अंतर्गत रस्ता तयार करणे, गिरीजनवाडी शाळा ते पालांडे यांच्या घरापर्यंत रस्ता करणे, कचेरी रोड ते देवेंद्र घैसास यांच्या घरापर्यंत पेव्हर ब्लॉक रस्ता तयार करणे, संजय लांडगे ते शेख हुसेन आकुस यांच्या घराकडे जाणारा रस्ता सिमेंट काँक्रीट करणे, माणगाव नगरपंचायत हॉलचे उदघाटन आदि विकासकामांचा पालकमंत्री कु.आदिती तटकरे यांच्या हस्ते शुभारंभ झाला.
No comments:
Post a Comment