अंगारकी चतुर्थीला टिटवाळा महागणपती मंदिरातील अंगारकी चतुर्थीला मुखदर्शन राहणार बंद !
टिटवाळा, उमेश जाधव -: मंगळवार दिनांक २७ जुलै रोजी अंगारकी चतुर्थी येत असून प्रतिवर्षी आपल्या लाडक्या गणरायाचे दर्शन घेण्यासाठी अनेक गणेश भक्त लांबून लांबून टिटवाळा नगरीत येत असतात. यावेळी मोठ्या प्रमाणांत मंदिर परिसरात गर्दी होत असते. या कारणास्तव कोरोन प्रतिबंधक नियमांच पालन करत मंदिर परिसर बंद ठेवण्याचा निर्णय मंदिर विश्वस्तांनी घेतला आहे.
यंदा देखील कोरोनाचे सावट काय आहे. यामुळे अंगारकी चतुर्थीच्या दिवशी मंदिराच्या आवारात भाविकांची खूप गर्दी होण्याची शक्यता नाकारता येत नाही. कोरोना महामारीचे संकट हे अद्यापही टळले नसल्याने अंगारकी चतुर्थीला कोरोना प्रतिबंधक नियम भाविकांकडून गर्दी अभावी पाळले जाणार नाहीत. म्हणूनच येत्या मंगळवार दिनांक २७ जुलै रोजी अंगारकी चतुर्थीला मंदिराचे आवार परिसर पूर्ण दिवस-रात्र बंद ठेवण्याचा निर्णय टिटवाळा गणपती मंदिर विश्वस्तांनी घेतला आहे.
त्यामुळे भाविकांना मुखदर्शन देखील बंद राहील असे मंदिर विश्वस्तांकडून एका प्रसिद्धी पत्रकाव्दारे आवाहन करण्यात आले आहे. भाविकांना होणाऱ्या त्रासाबद्दल विश्वस्तांनी दिलगिरी व्यक्त केली असून ग्रामस्थ, व्यापारी व भाविकांनी सहकार्य करण्याचे देखील आवाहन करण्यात आले आहे.
No comments:
Post a Comment