सौ.रूचिता राजेंद्र बोलाडे यांना गोबल गोल्ड आयडल शिक्षिका पुरस्कार २०२१ प्रदान !!
मुंबई, (शांत्ताराम गुडेकर) :
होली फँमिली हायस्कुल चेंबुर येथील इंग्रजी माध्यम शाळेत गेली २९ वर्षे सहाय्यक शिक्षिका म्हणून कार्यरत असलेल्या सौ.रूचिता राजेंद्र बोलाडे यांना शिक्षक दिनानिमित कलासाधना सामाजिक संस्थेच्यावतीने "गोबल गोल्ड आयडल शिक्षक"- पुरस्कार २०२१ नवी मुंबईतील खारघर येथे पार पडलेल्या छानदार पुरस्कार वितरण सोहळ्यात श्री.बाळाराम पाटील (शिक्षक आमदार), तसेच श्री.एस माळी (शिक्षण उप संचालक पुणे) यांच्या हस्ते प्रदान करण्यात आला. यावेळी मा. अनुपमा खानविलकर- शितोळे (झी मिडिया) आदी मान्यवर उपस्थित होते. सौ.रुचिता बोलाडे यांना यापुर्वी आदर्श शिक्षिका महापौर पुरस्कार-२०१७ तसेच गुरुगौरव पुरस्कार, कार्यशील शिक्षिका पुरस्कार, आदर्श शिक्षिका पुरस्कारासह विविध संस्था/प्रतिष्ठान लायन क्लबचे पुरस्कार प्राप्त झालेले आहेत. शिक्षणासह सांस्कृतिक विभागातही त्यांचे कार्य कौतुकास्पद आहे. शालेय,सहशालेय,आंतर शालेय, जिल्हा स्तरीय, राज्य स्तरीय विविध स्पर्धांना विद्यार्थी तयार करणे व स्वःताही सहभागी घेणे यामध्ये सौ. रुचिता बोलाडे कायमस्वरुपी अग्रस्थानी असतात. संस्थेच्यावतीने दरवर्षी शिक्षण व विविध क्षेत्रात उल्लेखनीय कामगिरी बजावणा-या व्यक्तींना हा पुरस्कार देऊन गौरविण्यात येते. सौ.रुचिता बोलाडे यांना हा पुरस्कार प्राप्त झाल्याबद्दल कुणबी समाजोन्नती संघ मुंबई, युवक मंडळ व सर्व कु.स.संघ शाखांसह अनेकांकडून अभिनंदनासह शुभेच्छा देण्यात आल्या आहेत.
No comments:
Post a Comment