गुवाहाटातील ४० आमदार जिवंत प्रेत असून त्यांचे आत्मे मेले आहेत --संजय राऊत.

गुवाहाटातील ४० आमदार जिवंत प्रेत असून त्यांचे आत्मे मेले आहेत --संजय राऊत.

अरूण पाटील, भिवंडी (कोपर) :

          गुवाहाटीतील ४० आमदार जिवंत प्रेत आहेत. त्यांचे आत्मा मेले आहेत. ते परत आल्यावर त्यांचे मृतदेह पोस्टमार्टमसाठी थेट विधानसभेत पाठवले जातील. इथं पेटलेल्या आगीत काय होऊ शकतं हे त्यांना माहीत आहे, अशी जहरी टीका शिवसेना नेते संजय राऊत यांनी केली आहे. एकनाथ शिंदे यांच्या नेतृत्वाखाली शिवसेनेचा बंडखोर गट आसाममधील गुवाहाटी शहरात तळ ठोकून आहे.

         बंडखोर गटाच्या विरोधात राऊत सातत्याने आक्रमक वक्तव्ये करत आहेत. यापूर्वी संजय राऊत म्हणाले, 'आम्ही संयम राखला आहे अन्यथा हजारो शिवसैनिक आमच्या एकाच इशाऱ्याची वाट पाहत आहेत. उद्धव ठाकरेंच्या नेतृत्वाखालील शिवसेनेवर जनता विश्वास ठेवेल.

          या आधी शुक्रवारी शिवसेनेचे खासदार अरविंद सावंत म्हणाले, महाराष्ट्रातील राजकीय परिस्थिती हा केवळ राजकीय लढा नाही, तर कायदेशीर लढाईही सुरू झाली आहे. पक्षाचे अनेक आमदार आसाममध्ये राहत आहेत, त्यांच्याविरोधात आमच्याकडे कायदेशीर कारवाई करण्यात आली आहे. सुमारे १६ आमदारांना नोटिसा पाठवण्यात आल्या आहेत.