पंचरत्न मित्र मंडळ (रजि.) चेंबूर तर्फे वार्षिक दिनदर्शिका -२०२३ चे प्रकाशन !

पंचरत्न मित्र मंडळ (रजि.) चेंबूर तर्फे वार्षिक दिनदर्शिका -२०२३ चे प्रकाशन !

मुंबई उपनगर (शांताराम गुडेकर ) :

                    समाजात विविध क्षेत्रांत लोक कल्याणार्थ कार्यरत असलेल्या सेवाभावी संस्था आहेत.या संघटना एका विशिष्ट हेतूने काम करते यातील स्वयंसेवक स्वेच्छेने व निःस्वार्थीपणे कोणतेही काम व मदत करण्यास तत्पर असतात.या संघटना प्रामुख्याने नैसर्गिक आपत्तींत सापडलेल्यांना अनेक प्रकारे साहाय्य करतात. अन्नधान्य , कपडे, गृहोपयोगी वस्तू, औषधे, वह्या पुस्तके अशा विविध अंगांनी मदतही देतात. यांशिवाय लोकांना मूलभूत हक्कांची जाणीव करून देणे, नागरी सुविधांबद्दल जागरूक करणे, बेरोजगारांना रोजगार मिळवून देण्यास साहाय्य करणेतसेच अन्य अनेक समस्यांची सोडवणूक करण्यासाठी सहकार्य करण्याचे काम पंचरत्न मित्र मंडळ  गेली अनेक वर्षे निस्वार्थी पणे करीत आहे.समाजाचे ऋण फेडण्यासाठी सतत  अनेक वर्ष कार्यरत असलेल्या आर.सी.एफ कर्मचारी वर्गाच्या पंचरत्न मित्र मंडळ (रजि.) चेंबुरतर्फे अध्यक्ष अशोक भोईर, सचिव प्रदीप गावंड खजिनदार  सचिन साळूंखे , उपाध्यक्ष  रमेश पाटील, सहसचिव वैभव घरत, सल्लागार हनुमंता चव्हाण यांच्या प्रयत्नाने अनेक समाजोपयोगी उपक्रम राबविण्यात येतात.

           पंचरत्न मित्र मंडळ (रजि.) चेंबूर तर्फ मंडळाच्या वार्षिक दिनदर्शिकेचे प्रकाशन दि.०२/०१/२०२३ रोजी आरसीएफचे अध्यक्ष व व्यवस्थापकीय संचालक सन्मा.श्री. श्रीनिवास मुडगेरीकर यांच्या हस्ते करण्यात आले.या प्रसंगी मंडळाचे अध्यक्ष श्री.अशोक भोईर, सचिव श्री.प्रदीप गावंड तसेच सर्व पुरुष -महिला पदाधिकारी, सदस्य आणि मंडळाचे पुरुष व महिला सभासद, हितचिंतक बहुसंख्येने उपस्थित होते.याप्रसंगी बोलताना सन्मा. सी.एम.डी यांनी मंडळाच्या सामाजिक कार्याचा गौरव करुन मंडळाच्या पुढील वाटचालीसाठी शुभेच्छा दिल्या.