12 तासांत प्रशासनाची धावपळ! पत्रकार विशाल कुरकुटे यांच्या बातमीचा प्रभाव; कल्याण तहसील कार्यालय परिसर अखेर स्वच्छ !!
*कल्याण, विशाल कुरकुरे :
कल्याण तहसील कार्यालयाच्या आवारात साचलेल्या कचऱ्याच्या ढिगांबाबत पत्रकार विशाल कुरकुटे यांनी वृत्त प्रकाशित केल्यानंतर प्रशासनाने तातडीने कारवाई केली. अवघ्या 12 तासांत संपूर्ण परिसर स्वच्छ करण्यात आला.
*कचरा आणि दुर्गंधीमुळे त्रस्त नागरिक*
तहसील कार्यालय परिसरात कचऱ्याचे मोठे ढीग साचले होते. सर्वत्र अस्वच्छता, दुर्गंधी आणि घाणीमुळे नागरिक तसेच कार्यालयात येणारे कर्मचारी त्रस्त झाले होते. या गंभीर परिस्थितीबाबत पत्रकार विशाल कुरकुटे यांनी वृत्त प्रकाशित करून प्रशासनाचे लक्ष वेधले.
*तातडीची कारवाई*
वृत्त प्रसिद्ध झाल्यानंतर तहसीलदार विकास गारुडकर यांनी तातडीने दखल घेत स्वच्छता मोहीम राबविण्याचे आदेश दिले. संबंधित यंत्रणेने त्वरित कारवाई करत कचऱ्याचे ढीग हटवून संपूर्ण परिसर स्वच्छ केला.
*नागरिकांची प्रतिक्रिया*
या तात्काळ कारवाईमुळे नागरिकांनी समाधान व्यक्त केले असून प्रशासनाच्या सकारात्मक प्रतिसादाचे स्वागत केले आहे. मात्र, ही स्वच्छता कायमस्वरूपी राखण्यासाठी नियमित साफसफाई व्हावी, अशी मागणी नागरिकांनी केली आहे.
No comments:
Post a Comment