ठाणे वनविभागाची धडक कारवाई ; भेकर जातीचे पिल्लू अवैध विक्री व्यवहार करताना पकडले !!
ठाणे, ऋषिकेश चौधरी : वनखात्याकडून मिळालेल्या गुप्त बातमीनुसार मा उपविभागीय वन अधिकारी मांडवी स्थित ठाणे श्री सुनील नाईक यांच्या मार्गदर्शनाखाली श्री एस. बी. देवरे वनक्षेत्रपाल पडघा यांचे नेतृत्वाखाली नियोजनबद्ध सापळा रचून रेंज स्टाफ वनपाल वनरक्षक पडघा यांचे समवेत नाशिक मुंबई महामार्गावर सर्व्हिस रोड जवळ मौजे कासने गाव हद्दीतील पॅरामाउंट हॉटेल शेजारी भेकर जातीचे पिल्लू अवैध विक्री व्यवहार करताना आरोपी तीन जिवंत भेकरचे पिल्ला सोबत पकडले.
सदर आरोपी रमेश तुकाराम वाळिंबे रा. आल्यानी, तालुका शहापूर बारकु गणपत हिलम, रा. कळगाव, तालुका शहापूर गणेश गुरुनाथ वाघ, रा. कळगाव, तालुका शहापूर आरोपींना भिवंडी येथील न्यायालयात हजर केले असता त्यांना दोन दिवसांची पोलीस कस्टडी देण्यात आली.
सदर कारवाईत वनपाल पडघा, दिनेश माळी, वनपाल वडपा विलास निकम, वनपाल दिघाशी श्याम चतुरे, वनरक्षक सांगावं अजय राठोड, वनरक्षक पाच्छापूर अमित कुलकर्णी, वनरक्षक जमीर इनामदार, कार्यालयीन लेखापाल पंकज भाऊसाहेब, महेंद्र भेरे कार्यालयीन कर्मचारी, वाहन चालक विकास उमतोल, संतोष गोडांबे वनमजूरयांनी सहभाग घेतला. सदर कारवाईत आरोपीने वापरलेल्या दोन मोटार सायकल जप्त केल्या आहेत.
No comments:
Post a Comment