महायुतीच्या उमेदवार सुलभा गायकवाड प्रचंड बहुमताने निवडून द्या - खासदार रवी किशन
कल्याण, सचिन बुटाला : कल्याण पूर्वेत खासदार रवी किशन यांच्या भव्यदिव्य प्रचार फेरीचे आयोजन रविवारी करण्यात आले होते. या फेरीत खासदार रवी किशनजी यांनी आपल्या भोजपुरी शैलीत सर्व उत्तर भारतीय समाज बांधवांना सुलभाताईंना प्रचंड बहुमताने विजयी करा असे आवाहन केले.
कल्याण पूर्व विधानसभा मतदार संघाच्या महायुतीच्या अधिकृत उमेदवार सुलभा गणपत गायकवाड यांच्या प्रचारार्थ ही रॅली काढण्यात आली होती. प्रचार फेरीची सुरवात अवध रामलीला समिती येथून म्हात्रे नाका, काटेमानिवली नाका, नाना पावशे चौक, जनता बँक, काली माता मंदिर येथे समारोप करण्यात आली. प्रचार फेरीला प्रचंड जनसमुदाय लोटला होता.
माझ्या सर्व उत्तर भारतीय बांधवांना आणि माझ्या फॅन्सना आवाहन करतो की माझ्या सुलभाताईला प्रचंड बहुमतांनी आपण सर्व निवडून द्याल याची मला खात्री आहे. यावेळी खासदार रवी किशन यांच्या सोबत सुलभाताई गायकवाड, भाजप जिल्हाध्यक्ष नाना सूर्यवंशी, जिल्हाध्यक्ष उत्तर भारतीय मोर्चा नागेंद्र फौजदार शर्मा, जिल्हा सरचिटणीस मनोज राय,उत्तर भारतीय आघाडी कल्याण जिल्हा पदाधिकारी व कार्यकर्ते उपस्थित होते.
No comments:
Post a Comment