आमदार विश्वनाथ भोईर यांचा विजय निश्चित, वार्ड क्रमांक २३, मधील भाजपा कार्यकर्त्यांचा जास्तीत जास्त मताधिक्य देण्याचा निर्णय !!

आमदार विश्वनाथ भोईर यांचा विजय निश्चित, वार्ड क्रमांक २३, मधील भाजपा कार्यकर्त्यांचा जास्तीत जास्त मताधिक्य देण्याचा निर्णय !!

कल्याण, (सचिन बुटाला) -

कल्याण पश्चिम विधानसभा क्षेत्रामध्ये महायुतीतील शिवसेना पक्षाचे आमदार विश्वनाथ भोईर, महाविकास आघाडी उद्धव बाळासाहेब ठाकरे गटाचे सचिन बासरे, मनसेचे उल्हास भोईर यांच्यात तिरंगी लढत होत आहे. या विधानसभा मतदारसंघामध्ये तिन्ही पक्षांच्या उमेदवारांच्या प्रचारांचा धुरळा उडाला आहे. भारतीय जनता पक्षाचे प्रभाग क्रमांक २३ मधील कार्यकर्ते कल्याण पश्चिम सरचिटणीस निता देसले, वार्ड अध्यक्ष दिपक दोरलेकर, वार्ड अध्यक्षा भारती बुटाला, स्वाती चौधरी, मनिषा ठाणगे, शालिनी मेंढे, किरण सिंग हे गेले पाच दिवस कल्याण पश्चिमचे भाजपचे अध्यक्ष वरुण पाटील, मा. आमदार नरेंद्र पवार, कल्याण पश्चिम मंडळ अध्यक्षा सौ वैशालीताई पाटील यांच्या मार्गदर्शनाखाली घराघरात जाऊन प्रचार करत असून त्यावेळी त्यांना प्रभागात भरपूर प्रतिसाद मिळत आहे. 

यावेळी वार्ड क्रमांक २३ मधील भाजपा कार्यकर्त्यांनी महायुतीचे उमेदवार आमदार विश्वनाथ भोईर यांना जास्तीतजास्त मताधिक्य मिळवून देणार असा विश्वास व्यक्त केला.